İqtisadiyyat

Ziya Məmmədov: "Qazaxıstan və Çin Bakı-Tbilisi-Qars dəmiryolunun inşasına böyük maraq göstərir"

29 Yanvar 2010 17:00
Baxış: 693
"Trend Capital"ın məlumatına görə, bunu Azərbaycanın nəqliyyat naziri Ziya Məmmədov Tbilisidə jurnalistlərə bildirib. Nazir deyib ki, Qazaxıstan və Çin Bakı-Tbilisi-Qars dəmiryolunun inşası layihəsinin həyata keçirilməsinə böyük maraq göstərir.  

"Bu maraq bizə bu nəqliyyat infrastrukturunun inkişafını proqnozlaşdırmağa imkan verir. Avropa və Asiyanı birləşdirən bu dəmiryolunun böyük perspektivləri var", - deyə nazir qeyd edib.

Ziya Məmmədov vurğulayıb ki, bu layihənin həyata keçirilməsi region çərçivəsindən çıxır, iqtisadi gəlir gətirir, yeni iş yerləri ilə təmin edir.

Bakı-Tbilisi-Qars layihəsi çərçivəsində 76 km Türkiyə ərazisindən, 29 km Gürcüstan ərazisindən keçən yeni 105 kilometrlik dəmiryol magistralının tikintisi planlaşdırılır. Bundan əlavə, Gürcüstanda yükgötürmə qabiliyətinin ildə 15 milyon tonadək artırılması üçün 183 kilometrlik Axalkalaki-Marabda-Tbilisi dəmiryol məntəqəsi bərpa ediləcək. Həmçinin Axalkalakidə Gürcüstanda olan dəmiryoldan qatarların Avropaya keçməsi üçün məntəqə inşa edilməsi planlaşdırılır.

/Trend Capital/

loading...

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.