İqtisadiyyat

Qızılın qiyməti uzun fasilədən sonra ilk dəfə ucuzlaşdı

21 Oktyabr 2025 23:50

Baxış: 371

VTB-də yüksək depozit faizleri daha çox qazandırır

#İQTİSADİYYAT

ABŞ və Çin arasında ticarət müharibəsinin yumşalacağına dair xəbərlərdən sonra investorların mənfəət satışına yönəlməsi qızıl bazarında ciddi enişə səbəb olub.

Milli.Az xəbər verir ki, qızılın spot qiyməti 6,3% azalaraq bir unsiya üçün 4 082 dollar təşkil edib. Bu, 2020-ci ilin avqust ayından bəri qeydə alınan ən yüksək azalma göstəricisidir.

Spot bazarda gümüşün qiyməti də əhəmiyyətli dərəcədə - 8,7% azalaraq bir unsiya üçün 47,9 dollar olub.

Dünən 4 min 381 dollar səviyyəsinə qalxaraq tarixinin ən yüksək göstəricisini yeniləyən unsiya qızıl, bu gün ABŞ-Çin ticarət münasibətlərində gərginliyin azalması və investorların satışa keçməsi ilə sürətlə dəyər itirib. Gün ərzində unsiya qızıl 180 dollar ucuzlaşaraq 4 min 174 dollar səviyyəsinə düşüb.

Bütün bu enişə baxmayaraq, qızıl bu il ərzində investorlarına hələ də yüksək gəlir qazandırıb. Analitiklərin məlumatına görə, iqtisadi qeyri-müəyyənliklər, geosiyasi risklər, mərkəzi bankların alışları və dolların zəifləməsi nəticəsində unsiya qızıl ilin əvvəlindən bəri 62 faizdən çox bahalaşıb.

Mütəxəssislər bazarların diqqətinin bu həftə cümə günü açıqlanacaq ABŞ inflyasiya göstəricilərinə yönəldiyini bildirirlər. Proqnozlara görə, dünyanın ən böyük iqtisadiyyatında sentyabr ayı üzrə illik inflyasiyanın 3,1 faiz olması gözlənilir. Bu ehtimal, ABŞ Mərkəzi Bankının (Fed) gələn həftə keçiriləcək iclasında faiz dərəcəsini 0,25 bənd endirmə ehtimalını artırır.

Lalə Qüdrətova
Milli.Az