PUL
Son günlər tez-tez səslənən suallardan biri budur: ailə üzvü ödənişli təhsil aldıqda ünvanlı sosial yardım dayandırıla bilərmi?
Bu isə başqa bir sual da doğurur: Ümumiyyətlə, ünvanlı sosial yardım verildiyi təqdirdə hansı situasiya baş versə, sosial yardım kəsilir?
Dövlət Sosial Müdafiə Fondu mövzu ilə bağlı Oxu.Az-ın sorğusunu cavablayıb.
Məlumatda qeyd olunub ki, ailə üzvünün ödənişli təhsil almasına görə ünvanlı dövlət sosial yardımının verilməsi dayandırılmır.
Ünvanlı sosial yardımın kəsilməsinə səbəb olacaq amillər isə belə sadalanıb:
"Ailəyə ev, mənzil (əgər bu ev və ya mənzil ailənin əmlakında və ya istifadəsində olan yeganə ev və ya mənzil deyildirsə) bağışlandıqda;
- Ailəyə nəqliyyat vasitəsi bağışlandıqda;
- Təmsilçi vəfat etdikdə;
- Sosial yardımın məbləği ailə tərəfindən ardıcıl gələn 2 (iki) ay müddətində kart hesabından götürülmədikdə;
- Sosial yardımın dayandırılmasına və məbləğinin dəyişdirilməsinə səbəb ola biləcək digər hallardan biri baş verdikdə;
- Sosial yardımın təyin olunmasına və ya məbləğinin dəyişdirilməsinə səbəb ola biləcək hallar barədə (ailənin tərkibi, əmlakı və gəliri haqqında) düzgün olmayan və ya natamam məlumat verildiyi aşkar olunduqda".
Milli.Az
Digər maraqlı xəbərlər Milli.Az-ın Facebook səhifəsində.
Bizi "Telegram"da izləyin.
Şahidi olduğunuz hadisələri çəkib bizə göndərin!
.jpg)
.jpg)
.jpg)
.jpg)
