İqtisadiyyat

Dolların kursu dəyişəcək? - ekspert açıqladı

8 İyun 2025 22:41

Baxış: 3 915

VTB-də minimal faiz dərəcəsi ilə nağd kredit 9.9%-dən

#DOLLAR

2025-ci ilin əvvəlindən bəri dünya bazarlarında neft qiymətləri eniş tendensiyası göstərir. May ayının əvvəlindən etibarən Brent markalı neftin qiyməti ardıcıl olaraq aşağı düşür və hazırda 66 dollar səviyyəsinə qədər geriləyib.

Xatırladaq ki, 2025-ci ilin dövlət büdcəsi hazırlanarkən İqtisadiyyat Nazirliyinin proqnozlarına əsasən neftin bir barelinin qiyməti 70 dollar səviyyəsində götürülüb və ÜDM-də 3.5 faiz artım nəzərdə tutulub. Lakin reallıqda neftin aylardır bu proqnoz qiymətinin altında satılması bir sıra suallar doğurur. Bu durum xüsusilə Azərbaycanın valyuta sabitliyi və milli pul vahidi olan manatın məzənnəsinə mümkün təsirləri baxımından narahatlıq yaradıb.

Məsələ ilə bağlı iqtisadçı Akif Nəsirli açıqlamasında bildirib ki, manatın məzənnəsi bazar prinsiplərinə görə deyil, hökumətin qərarları və maliyyə resurslarının imkanları çərçivəsində tənzimlənir:

"2024-cü ildə neftin orta qiyməti 80 dollar civarında olub ki, bu da hökumətin gəlirlərinin sabit qalmasına şərait yaradıb. Ötən il bu sabit gəlirlər sayəsində Azərbaycan Mərkəzi Bankının (AMB) valyuta ehtiyatlarında heç bir azalma baş vermədi. Bu da göstərir ki, hökumət kursu sabit saxlamaq üçün kifayət qədər imkanlara malikdir".

2025-ci ildə isə, baxmayaraq ki, neftin qiyməti bir qədər ucuzlaşıb və 70 dollar səviyyəsindən aşağı düşüb, iqtisadçı hesab edir ki, manatın sabitliyi üçün hələlik ciddi təhlükə yoxdur:

"Hazırda AMB-nin təxminən 11 milyard dollar valyuta ehtiyatı var. Hətta Dövlət Neft Fondundan əlavə valyuta cəlb edilməsə belə, bu ehtiyatlar manatın sabitliyini qorumağa kifayət edir. Ən azı bu ilin sonuna qədər manatın kursunun ciddi şəkildə dəyişməsi gözlənilmir."

Milli.Az

Milli.Az - Xəbər Portalı

Dolların kursu dəyişəcək? - ekspert açıqladı

DİGƏR XƏBƏRLƏR

XƏBƏR LENTİ

TOP VIDEO

SORĞU

2026-cı ildən gözləntiləriniz nələrdir?