İqtisadiyyat

Muğanlı-İsmayıllı-Qəbələ yolunda tunel olacaq - 960 metr

16 May 2025 11:08
Baxış: 2 654
VTB-də minimal faiz dərəcəsi ilə nağd kredit 9.9%-dən
#CƏMİYYƏT

Bakı-Şamaxı-Muğanlı-İsmayıllı-Qəbələ avtomobil yolunun Muğanlı-İsmayıllı-Qəbələ hissəsinin yenidən qurulur. Muğanlı-İsmayıllı avtomobil yolu paytaxtımızı İsmayıllı, Qəbələ, Oğuz, Şəki, Qax, Zaqatala və Balakən rayonları ilə birləşdirən ən qısa yoldur.

Bu yolda hansı işlər görülür?

Bu barədə Trend-in sorğusuna cavab olaraq Azərbaycan Avtomobil Yolları Dövlət Agentliyindən bildirilib ki, hazırda Muğanlı-İsmayıllı-Qəbələ yolunda yenidənqurma işləri davam etdirilir.

"Yolun üzərində su və yolötürücü həmçinin bir sıra körpülərin tikintisi davam edir. Ağsuçayın üzərində tikilən körpüdən sonra dağlıq ərazidən keçid üçün tunel tikilir. Tunelin giriş portalının tikintisi artıq başa çatıb. Çıxış portalı üzərində isə işlər davam etdirilir. Dağlıq ərazinin sürüşməyə meyilli olması səbəbindən tunelin giriş hissəsində xüsusi troslarnan möhkəmləndirmə işləri aparılıb. Yamacların dayanıqlığını artırmaq üçün xüsusi materiallarından istifadə olunur", - məlumatda vurğulanıb.

Agentlikdən qeyd olunub ki, Ağsuçay üzərindəki asma körpüdən çıxdıqdan sonra eni 9, uzunluğu 960 metr olan dördzolaqlı tunelə daxil olacaqlar.

"Bu da sürücülərə əvvəlki dolaylara girmədən gedəcəkləri yerə tez çata bilsinlər. Yolun ilk 14 kilometrlik hissəsi geoloji kəskin ərazilərdən keçdiyi üçün burda möhkəmləndirmə işləri aparılır. Səkkiz fərqli ərazidə 4 kilometr uzunluğunda svay istinad divarları və drenaj sistemləri tikilir. Yolun bəzi hissələrində qazma, doldurma və hamarlama işləri bitib.

Mövcud yol mürəkkəb relyefə malik olan sürüşməyə meyilli gillicə dağ yamaclarından keçirdi ki bu da yolda tez-tez sürüşmə hadislərinin başverməsinə səbəb olurdu. Yenidən qurulan yolda bu kimi amillər nəzərə alınaraq sürüşməyə qarşı xüsusi tədbirlər icra olunur", - məlumatda əlavə olunub.

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.