İqtisadiyyat

Dollar ucuzlaşacaq - Ekspertdən AÇIQLAMA

23 Aprel 2025 22:14
Baxış: 3 815
VTB-də minimal faiz dərəcəsi ilə nağd kredit 9.9%-dən
#DOLLAR #ABŞ

Son illərdə dünya iqtisadiyyatında müşahidə olunan dəyişikliklər fonunda ABŞ-ın dövlət borcu məsələsi daha çox müzakirə obyektinə çevrilib. Dolların beynəlxalq valyuta kimi hegemoniyası uzun illərdir ki, qlobal ticarət və maliyyə sisteminin təməlini təşkil edir. Lakin ABŞ-ın artmaqda olan borc yükü və maliyyə balansındakı davamlı kəsirlər bu statusun davamlılığına dair suallar doğurmağa başlayıb.

Bir çox insanın ağlındakı sual isə ABŞ niyə dollar çap edib, dollarla olan borclarını qaytara bilmir?

Milli.Az xəbər verir ki, bu suala cavab olaraq iqtisadçı ekspert Eldəniz Əmirov bildirib ki, ABŞ-ın dövlət borcu dollarladır və bu, bir sıra potensial riskləri də özü ilə gətirir. Əgər bu tendensiya nəzarətsiz davam edərsə, dolların dəyəri zəifləyə, valyutaya olan inam sarsıla və o, qlobal ehtiyat valyuta statusunu itirə bilər. Artan ticarət kəsirləri və dövlət büdcəsindəki xroniki çatışmazlıqlar bu prosesə mənfi təsir göstərməkdədir.

O qeyd edib ki, borcdakı artım artıq mütəmadi deyil, həndəsi silsilə üzrə yəni, sürətlənərək baş verir. Bu da ABŞ hökumətini ciddi şəkildə düşünməyə vadar edir. Əlbəttə ki, bu istiqamətdə müəyyən tədbirlər görülməlidir, əks halda, vəziyyətin kütləvi təsirləri ABŞ iqtisadiyyatına və qlobal maliyyə sabitliyinə ciddi zərbə vura bilər.

Aysel Əkbər
Milli.Az 

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.