İqtisadiyyat

"Azərbaycanın gömrük prosesinin şəffaflığı buna səbəb olub"

20 Noyabr 2023 11:51

Baxış: 1 228

VTB-də minimal faiz dərəcəsi ilə nağd kredit 9.9%-dən

#GÖMRÜK

Azərbaycanın gömrük prosesinin şəffaflığı, prosedurların sadələşdirilməsi və xərclərin optimallaşdırılması, xarici ticarətin yüngülləşdirilməsi xarici ticari fəaliyyət iştirakçılarının və büdcə gəlirlərinin artmasına səbəb olub.

Milli.Az Trend-ə istinadən xəbər verir ki, bunu Azərbaycan Respublikası Prezidentinin köməkçisi - Azərbaycan Respublikası Prezidentinin Administrasiyasının İqtisadi məsələlər və innovativ inkişaf siyasəti şöbəsinin müdiri Şahmar Mövsümov Bakıda keçirilən "Gömrük-Biznes Forumu 2023" (GBF23) tədbirində deyib.

Onun sözlərinə görə, son üç il ərzində Azərbaycanın qeyri-neft məhsulları ixracında qeyri-üzvi kimya və plastik məhsulların payı artıb.

"2015-2022-ci illərdə qeyri-neft məhsullarının ixrac həcmi 2,3 dəfə artıb. Eyni zamanda, qeyri-neft ixracının çeşidliliyinin sayı artıb. 5700 növ məhsuldan 1990-u ixraca, 1234-ü isə daimi ixraca yönəldilib. Son üç il ərzində ixrac səbətinə 35 yeni məhsul daxil olub", - deyə o vurğulayıb.

Milli.Az
Xəbərlərimizi WhatsApp kanalımızdan da oxuyun