İqtisadiyyat

Bu boru kəmərinin ötürücülük qabiliyyəti ildə 5 milyard kubmetr qaz olacaq

16 Fevral 2023 09:24

Baxış: 5 010

VTB-də minimal faiz dərəcəsi ilə nağd kredit 9.9%-dən

#İQTİSADİYYAT #QAZ

İon-Adriatik Boru Kəməri (IAP) layihəsi hələ ki hazırlıq mərhələsindədir.

Bu barədə Trend-ə Xorvatiyanın İqtisadiyyat və Dayanıqlı İnkişaf Nazirliyindən bildiriblər.

"Avropa Enerji İttifaqında Tədarüklərin təhlükəsizliyi məsələsi həmişə mühüm mövzu olub, lakin son 12 ay ərzində Ukraynadakı müharibə səbəbindən daha da aktuallaşıb. Biz IAP layihəmizi Cənubi və Cənub-Şərqi Avropanın növbəti onillikdə də qaz tədarükünə kömək edə biləcək potensial həllərdən biri olaraq nəzərdən keçiririk. Layihə hələ hazırlıq mərhələsindədir", - nazirlikdən deyilib.

Bununla belə, idarənin bildirdiyinə görə, IAP 4 ölkənin iştirak etdiyi mürəkkəb layihədir və layihənin reallaşdırılması üzrə hər hansı proqnoz vermək asan deyil.

"IAP layihəsi ildə 5 milyard kubmetr qaz tədarükünü nəzərdə tuturdu. Lakin son 12 ay ərzində bütün Avropada tələbat artıb", - Xorvatiya nazirliyindən bildiriblər.

Qeyd edək ki, İon-Adriatik boru kəməri (IAP) Cənub-Şərqi Avropanın bir çox ölkəsinə qaz nəqli üçün Trans-Adriatik boru kəmərinə (TAP) qoşula bilər.

516 km uzunluğa malik boru kəmərinin Albaniya, Monteneqro, Bosniya və Herseqovina ərazisindən keçərək Xorvatiyada bitəcəyi gözlənilir. Boru kəmərinin ötürücülük qabiliyyəti ildə 5 milyard kubmetr qaz olacaq.

TAP artıq layihənin tərtibatçıları olan Plinacro (Xorvatiya), BH-Gas (Bosniya və Herseqovina), GeoplinPlinovodi (Sloveniya) ilə, həmçinin Monteneqro və Albaniya hökumətləri ilə Anlaşma və Tərəfdaşlığa dair Memorandum imzalayıb.

TAP və IAP işçi qrupu yaradılıb və texniki qoşulma məsələlərini razılaşdırmaq məqsədilə mütəmadi görüşlər keçirir.

Milli.Az