Mədəniyyət

Bakıda "Eurovision" müsabiqəsi üçün alternativ konsert kompleksinin tikintisinə başlanılıb

6 Sentyabr 2011 15:19

Baxış: 1 310

VTB-də minimal faiz dərəcəsi ilə nağd kredit 9.9%-dən

#AZERBAİJAN #ALTERNATİV-GROUPE DİMOTRANS #ALPİNE MAYREDER BAU GMBH

Bakıda "Eurovision" mahnı müsabiqəsi üçün alternativ konsert kompleksinin - Milli Bayraq Meydanın yaxınlığında "Bakı Büllur Zalı"nın tikintisinə başlanılıb. Trend-in məlumatına görə, bu barədə "Eurovision" müsabiqəsinin rəsmi saytında məlumat verilib.

Almaniyanın "ALPINE Bau Deutschland AG" şirkəti tərəfindən inşa olunacaq arenanın tutumu 25 min nəfər olacaq.

"ALPINE Bau Deutschland AG"nin layihə üzrə partnyorları "gmp International GmbH", İsveçrə şirkətləri olan "Nüssli AG" və "Basler & Hofmann AG", eləcə də Avstriya şirkəti "GmbH & Co. KG" və Münhendən "SSF Ingenieure AG"dir.

"Bakı Büllur Zalı" layihəsinin partnyoru olan "Nüssli AG" şirkəti Almaniyada keçirilmiş "Eurovision-2011"-in səhnəsini qurmuşdu.

ALPINE müasir idman obyektlərinin tikintisində geniş təcrübəyə sahibidir. Bu sıraya Polşada keçiriləcək futbol üzrə Avropa çempionatı üçün tikilməkdə olan üç futbol stadionu, Münhendəki Allianz Arena, Avstriyada futbol üzrə Avro-2008 üçün üç sayda stadionun genişləndirmə və yenidən qurma işləri, eləcə də Dubaydakı beynəlxalq kriket stadionu daxildir.

Milli.Az