Mədəniyyət

Milli.Az-da "Həftəsonu qiraət": Bəyaz qar üstünə qan

27 Fevral 2010 19:35
Baxış: 328
VTB-də minimal faiz dərəcəsi ilə nağd kredit 9.9%-dən
Oxucularımızı indiyə qədər heç yerdə dərc olunmamış kiçik həcmli ədəbi-bədii əsərlərini (şeir, hekayə, esse və s.) [email protected] ünvanına göndərməyə dəvət edirik.
Oxucularımızın maraqlı yazıları saytda "Həftəsonu qiraət" bölməsində yerləşdiriləcək.

Bəyaz qar üstünə qan

Nə bilsin, onsuz da yuxusuz qalan
Ana son laylanı çalır bu gecə.
Arzuyla, diləklə, xoş xəyallarla
Körpə balasıyla qalır bu gecə.

Nə bilsin o körpə, ana qoynunda
Vətəndən vətənə pənah aparır.
Axrıncı aşrımın son addımında
Analı günləri bitir, qurtarır.

Nə bilsin o qoca, baba yurduna
Dünən ayaq basıb, çörək tapanlar               
Qanlı əlcəyini geyib bir səhər
Adi insanlığı atar, tapdalar.

Nə bilsin ayazlı, ulduzlu gecə
Bəyaz qar üstünə qan yağacaqdır.
Dağların buzunu yuyub-əridən
Bahar yox, odlanan min bir ocaqdır.

Nə bilsin yuxuya gedən qayalar
Səhəri açacaq ah-nalələrlə.
Günahsız körpəni qoruduğuyçün
Tək-tənha qalacaq min güllələrlə.

Nə bilsin uzağı yaxın eyləyən
Aşrımlar, dolaylar, gizli cığırlar
Azadlıq,qurtuluş, həyat yolunda
Dönüb olacaqlar əbədi məzar.

Brest, 24.02.2010

Milli.Az
Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.