Mədəniyyət

Azərbaycan XIII Beynəlxalq folklor festivalında təmsil olunacaq

2 Avqust 2013 16:15
Baxış: 434
VTB-də minimal faiz dərəcəsi ilə nağd kredit 9.9%-dən
#AZERBAİJAN

Azərbaycanın Şuşa şəhəri ilə qardaşlaşan Macarıstan şəhəri Döndöşdə avqustun 5-dən 11-dək XIII Beynəlxalq folklor festivalı keçiriləcək

Azərbaycanın Macarıstandakı səfirliyindən Trend-ə verilən məlumata görə, builki festivalda ev sahibləri ilə bir sırada Serbiya, Braziliya, Gürcüstan, Panama, Polşa, Yunanıstan, İndoneziya, Kolumbiya, Çin və Fransadan gəlmiş musiqi və rəqs ansamblları çıxış edəcəklər.

Döndöş meriyasının dəvəti ilə qardaş şəhər Şuşanın mahnı və rəqs ansamblı bu mötəbər musiqi festivalında ölkəmizi təmsil edəcək. 25 nəfərdən ibarət ansambl üzvləri festival proqramlarında və qala-konsertdə çıxış etməklə yanaşı, Döndöş və Budapeştdə də konsertlər verməyi planlaşdırır. Eyni zamanda, onların iştirakı ilə avqustun 10-da Döndöşdə "Azərbaycan gecəsi" keçiriləcək.

Qardaş şəhərlər kimi Şuşa və Döndöş il ərzində bir sıra digər mədəni proqramları da hazırlayıb həyata keçirmək niyyətindədirlər.

Milli.Az
Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.