Mədəniyyət

Aliset Vinderlund: "Azərbaycan xalqı dünya musiqi mədəniyyətinə görkəmli simalar bəxş edib"

2 Avqust 2013 13:55

Baxış: 416

VTB-də minimal faiz dərəcəsi ilə nağd kredit 9.9%-dən

#AZERBAİJAN #MƏDƏNİYYƏT #TURİST A.D. #MUSİQİ

Azərbaycan xalqı dünya musiqi mədəniyyətinə görkəmli simalar bəxş etmişdir

Onlardan biri - Mstislav Rostropoviç həm məşhur dirijor, həm də violonçel ifaçısı kimi bütün dünyada məşhurdur.

Bu sözləri V Qəbələ Beynəlxalq Musiqi Festivalını izləmək üçün Niderland Krallığından gəlmiş turist Aliset Vinderlund AzərTAc-a müsahibəsində demişdir.

Festivalın əhəmiyyətindən danışan qonaq bu mötəbər tədbirin ölkələr arasında beynəlxalq münasibətlərin inkişafında xüsusi rol oynayacağını da əminliklə qeyd etmişdir.

Azərbaycanın ildən-ilə sürətlə inkişaf etdiyini bildirən qonaq, ölkəmizin ona çox böyük təsir bağışladığını xüsusilə vurğulamışdır.

Aliset Vinderlund V Qəbələ Beynəlxalq Musiqi Festivalının elmin, təhsilin və mədəniyyətin inkişafına mühüm töhfə verəcəyini söyləyərək demişdir: "Azərbaycana ilk səfərimdir. Qəbələ Beynəlxalq Musiqi Festivalı haqqında eşitdim və bir tamaşaçı olaraq bu festivalı yaxından izləmək istədim. Konsertlərdən böyük zövq aldım. Qədim Qəbələ qalası qeyri-adi, gözəl və əsrarəngiz məkanlardan biridir. Milli xörəkləriniz çox xoşuma gəldi. Vətənimə dönərkən Azərbaycandan xüsusi olan çay aparacağam. Xalçalarınız gözəldir. Hətta bu xalçalara olan marağım məni onların istehsal edildiyi müəssisəyə baş çəkməyə məcbur etdi. Bakıda olarkən daha qədim əl işlərini müşahidə etmək üçün xalçaçılıq muzeyinə baş çəkdim. Bu ecazkar məkana bir daha məmnuniyyətlə səfər edəcəyəm".

Milli.Az