Mədəniyyət

Qəbələdə London Royal Filarmonik Orkestrinin konserti yerli və xarici ölkə tamaşaçılarının marağına səbəb olub

30 İyul 2012 21:58

Baxış: 1 024

VTB-də minimal faiz dərəcəsi ilə nağd kredit 10.49%-dən

#UNİTED KİNGDOM #VİVA

Heydər Əliyev Fondunun təşkilatçılığı ilə keçirilən Qəbələ IV Beynəlxalq Musiqi Festivalı çərçivəsində iyulun 30-da dünyanın ən məşhur musiqi kollektivlərindən biri olan London Royal Filarmonik Orkestrinin növbəti konserti olmuşdur.

AzərTAc xəbər verir ki, "Viva İtaliya" adlı konsertdə çıxış edən London Royal Filarmonik Orkestrinin solistlərini, eləcə də məşhur italyan vokalçıları Marko Kinqarini (bariton), Françeska Patanenini (soprano), onların azərbaycanlı həmkarları Yusif Eyvazovu (tenor) və Səbinə Əsədovanı (messo-soprano) italiyalı dirijor Klaudio Vandelli müşayiət etmişdir.

İki hissədən ibarət konsertdə J.Bizenin "Karmen" operasından Eskamilionun kupletləri, Karmen və Xozenin dueti, U.Cordanonun "Andre Şenye" operasından Madlen və Andrenin dueti, P.Maskanyinin "Kənd namusu" operasından Santuzzanın ariyası, A.Ponkyellinin "Cokonda" operasından Cokondanın ariyası, C.Verdinin "Taleyin gücü" operasından Don Alvaro və Don Karlonun dueti, "Nabukko" operasına uvertüra, "Aida" operasından Radamesin romansı, C.Rossininin "Soroka vorovka" operasına uvertüra, F.Çileanın "Adriana Lekuvrör" operasından Şahzadənin ariyası səsləndirilmişdir.

Çıxışlar yerli və xarici ölkə tamaşaçılarının böyük marağına səbəb olmuşdur.
London Royal Filarmonik Orkestrinin bədii rəhbəri və baş dirijoru, iki dəfə "Qremmi" və 40-dan çox beynəlxalq mükafatın sahibi olan isveçrəli Şarl Dütuadır.

Orkestrin növbəti konsertləri Şarl Dütuanın dirijorluğu ilə avqustun 3-də və 5-də keçiriləcəkdir.

Milli.Az