Mədəniyyət

Xalq artistinin səhhətində problem yaranıb - Ağdama gedə bilmədi

24 İyun 2022 14:07
1 Şərh     Baxış: 1 599
VTB-də minimal faiz dərəcəsi ilə nağd kredit 10.49%-dən
#ŞOU-BİZNES

Xalq artisti Arif Babayevin səhhəti pisləşib. Səhğhətinə görə sənətkar "Muğam" televiziya müsabiqəsinin sonuncu buraxılışında iştirak edə bilməyib.

Milli.Az xəbər verir ki, moderator.az-a açıqlama özəl açıqlama verən ustad xanəndə səhhətindən danışıb.

"Şükür Allaha, hal-hazırda özümü yaxşı hiss edirəm. "Muğam" televiziya müsabiqəsinin növbəti buraxılışı Ağdamda baş tutdu. Yol uzun idi deyə gedə bilmədim. Həm də təzyiqim düşmüşdü. Ağdama bir dəfə gedib-gəldim, mənim üçün çox ağır idi. Bundan sonra müsabiqənin bütün buraxılışlarında iştirak edəcəyəm. Yaşıma görə uzaq bölgələrə gedə bilmirəm. Bakı ətrafı bölgələrdə iştirak edəcəyəm" deyə xanəndə bildirib.

Arif Babayev müsabiqədəki xanəndələrin istedadından da söz açdı.

"Muğam" televiziya müsabiqəsi həqiqətən də çox dəyərli və lazımlı layihədir. Yanımda hər zaman Əlibaba əyləşərdi, yeri görünür, boş qalıb. İndi belədir ki, o qədər xanəndədən təkcə biri seçiləcək. O qədər xanəndənin içərisindən biri çıxırsa bu byük şeydir. Biz də çalışırıq ki, ən yaxşısını seçək. Hələ seçirik, qulaq asa-asa gedirik. Onların çatışmayan cəhətlərini də deyirik, çalışırıq ki, yaxşıların-yaxşısı olsunlar. Muğam bizim milli sərvətimizdir, biz onu qoruyub, nəsildən-nəsilə ötürməliyik" deyə ustad xanəndə bildirib.

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2025 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.