Kriminal

Azərbaycanda qətl və dələduzluqda təqsirləndirilən iş adamı Türkiyədə saxlanıldı

3 Dekabr 2020 19:12
Baxış: 1 467

Türkiyədə İnterpol xətti ilə qırmızı bülletenlə axtarışda olan azərbaycanlı iş adamı Saduq Mehdiyev saxlanılıb.

Milli.Az APA-ya istinadən bildirir ki, qəsdən adam öldürməkdə və dələduzluqda təqsirləndirilən 33 yaşlı iş adamı İstanbulda Bağcılar rayonunda tutulub.

S. Mehdiyev Azərbaycanda məhkəmə tərəfindən haqqında saxlama barədə qərar verildikdən sonra 2017-ci ildə Türkiyəyə qaçıb, müxtəlif ünvanlarda gizlənib.

Qeyd edək ki, S. Mehdiyev Azərbaycanda özünü tikinti şirkətinin rəhbəri kimi təqdim edərək çoxlu sayda insanı aldadaraq pulunu mənimsəməkdə, mübahisə zamanı isə bir nəfəri bıçaqlayaraq qətlə yetirməkdə şübhəli sayılır.

Milli.Az

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.