Kriminal

Arvadın xalatında gizlətdiyi telefonu düşdü, kişilərlə yazışmaları üzə çıxdı - Suraxanıdakı qətlin təfərrüatı - FOTO

10 Avqust 2019 17:33
11 Şərh     Baxış: 9 686

Bakı Apellyasiya Məhkəməsində Tural Kazımovun (1988-ci il təv.) CM-nin 120.1-ci (qəsdən adam öldürmə) maddəsi ilə cinayət işi üzrə məhkəmə prosesi yekunlaşıb.

Milli.Az xəbər verir ki, ötən il iyunun 20-də Bakı ş. sakini Tural Kazımov Suraxanı r/n 32-ci polis bölməsinə təslim olaraq arvadı Maya Xeyrişlini (1991-ci il təv.) qısqanclıq zəmnində öldürdüyünü bildirməklə, qadının istifadəsində olmuş mobil telefonu polislərə təqdim edib. Araşdırma zamanı, telefonun müvafiq bölməsində çoxlu sayda oğlan adlarının olması, elə həmin gün Tural Abbasov soyadlı şəxsdən sms və 1 dəfə zəng gəlməsi müəyyən edilib. Hadisə yerinə baxış zamanı məlum olub ki, cinayət Qaraçuxur qəsəbəsi, E.Bəkirov küçəsindəki 33 №i evdə baş verib. Maya Xeyrişlinin meyiti mətbəx otağında aşkar edilib.

Məhkəmə-tibbi ekspertizasının rəyinə əsasən, Maya Xeyrişlinin ölümünə - boyun üzvlərinin əllə sıxılması nəticəsində baş vermiş mexaniki asfiksiya səbəb olub.

İstintaqla müəyyən edilib ki, Tural Kazımov axşam saat 20 radələrində işdən yaşadığı evə gəlib, mətbəx otağında kresloda əyləşib. Arvadı oturduğu divandan, yerdə olan paltarları əyilib, götürərkən, xalatının açıq qalan ön hissəsindən "Huawei" markalı mobil telefon düşüb. Bunu görən Tural dərhal telefonu yerdən götürüb. Həmin nömrəyə Tural adlı şəxsdən zəng gəlib, o cavab verdikdə sonuncu əlaqəni kəsib. Kazımov naməlum şəxsin kim olması, onun mobil telefon işlətməsinə qadağa goyduğu halda nə vaxtdan gizlincə telefon işlətməsi ilə bağlı Mayanı sorğu-sual edib. Yoldaşı cavab vermədiyindən, onun xəyanət etməsinə əmin olub, bu səbəbdən qısqanclıq zəmnində divanda oturan qadının boğazını əlləri ilə tutub, sıxmaqla qəsdən həyatdan məhrum edib.

İş üzrə dindirilən Tural Kazımov 2006-cı ildə Maya Xeyrişli ilə ailə həyatı qurduğunu, həmin nigahdan üç övladı olduqlarını bildirib. Arvadı heç yerdə işləməyib, özü xırda ticarətlə məşğul olub. Mayaya telefon işlətməyə icazə verməyib. Həmin axşam həyətdə oynayan uşaqların, mübahisə etmələrini görməməsi üçün, mətbəx otağının qapısını içəridən bağlayaraq, pəncərənin pərdəsini çəkib. İlk olaraq yoldaşını oturduğu yerdə sinəsindən tutub, silkələyərək telefonun haradan çıxmasını və həmin şəxsin kim olmasını soruşub, lakin sonuncu cavab verməyib. Hirsləndiyindən əlləri ilə boğazından sıxıb ki, cavab versin. 1-2 dəqiqə keçəndən sonra arvadının əlində halsızlaşdığını görüb, dərhal əlini boğazından çəkib. Maya ağzı üstə döşəməyə yıxılıb.Sonra qardaşı Vüsala və Məhəmmədə zəng vurub, Mayanı öldürdüyünü bildirərək, evə gəlmələrini deyib. Məhəmməd evə gəlib təcili yardıma zəng vurub, həkimlər gələrək arvadının öldüyünü təsdiq ediblər. Sonra Vüsalla birlikdə bölməyə gedib.

Bakı Ağır Cinayətlər məhkəməsinin hökmü ilə T.Kazımov 10 il müddətinə azadlıqdan məhrum olunub.

Hökmdən dövlət ittihamçısı protest, məhkum isə apellyasiya şikayəti verib.

Bakı Apellyasiya Məhkəməsi birinci instansiya məhkəməsinin hökmünü qüvvəsində saxlayıb.(Publika.az)

Milli.Az

Məqaləyə dair fotomateriallar:

loading...

Şərh yaz:

11 Şərh:

  • Anonim
    /// · 10 Avqust 17:37174

    yaxsi edib

    Cavab yaz
  • Anonim
    Nura · 10 Avqust 18:21211

    Bu gadinlar sir ureyi yeyib ele bil yeni gorxmurlar xeyanetden

    Cavab yaz
  • Anonim
    Sovet vətəndaşı · 10 Avqust 18:46151

    Duzəlmirlərki duzəlmirlər də. Bu boyda asırlar, kəsirlər yenədə yigilmirlar yollarına. Bəs o Tural Abbaslı adlı sərəfsizə nə düşüb ki evli qadınla danışır? Subaylar qırılıb bəyəm?

    Cavab yaz
  • Anonim
    men · 10 Avqust 18:5241

    maya hec de xeyrisli olmayib. serisli olub.

    Cavab yaz
  • Anonim
    QQ · 10 Avqust 19:2761

    Tazıq ,bədbəxt olan uşaqlar oldu.Biri məzara , biri məhbəsə getdi.Uşaqlar da yəqin ki uşaq evinə verilər....Cəmiyyətin sonu məlumdur da.Uşaq evində böyümüş ,cəmiyyətdən küsmüş , cəmiyyətə aqressiyalı gənclik ordusu yetişir.Sonumuz məlumdur

    Cavab yaz
  • Anonim
    He · 10 Avqust 20:2471

    Yaziq usaqlar ana yox atada hebsxanad

    Cavab yaz
  • Anonim
    gulicka · 10 Avqust 21:5157

    mene inandirici gelmedi ne oldu ele olen qadinlarin hamisi guya namus cinayetine getdiler.deyir telefon istifade etmeyib hec vaxt,ozu de 1defe zeng gelib Turaldan belke eri ozu yalandan 1telefon ve nomre alib zeng edib kisi adlarin da yazib ki cezasin yungullesdirsinler turmede qehreman kimi qarsilasinlar.hec inanmadim buna.

    Cavab yaz
  • Anonim
    gulicka · 10 Avqust 21:5293

    her deyilen yazilan duz olmur o qeder serler var ki bu heyatda

    Cavab yaz
  • Anonim
    kk · 11 Avqust 14:1921

    evin ailen usaqlarin sene ne lazimdi ay bedbext uc usaqla nece vaxt tapib basqasiylada danisa bilib.ne mecburdu aileli qadinsan.otur usaqlainla mesgul olda buda sonun... yaziq usaqlar

    Cavab yaz
  • Anonim
    Weyx · 11 Avqust 14:4421

    yaxwi eliyib xeyaneti bagiwlamaq olmaz kim olur olsun

    Cavab yaz
  • Anonim
    as · 12 Avqust 11:0411

    bu evli qadınlara niye göresen erleri bes etmir ki başqalarının hayında olurlar

    Cavab yaz

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.