Kriminal

Şokolad kağızı ilə 7 illik cinayətin üstü açıldı - FOTO

2 Aprel 2025 10:20

Baxış: 2 969

VTB-də minimal faiz dərəcəsi ilə nağd kredit 10.49%-dən

#DÜNYADA #KRİMİNAL #CİNAYƏT #HAMİLƏLİK #QADIN

Muğlanın (Türkiyə) Ortaca mahalında 7 il əvvəl zibil qabında tapılan körpə meyiti ilə bağlı cinayət dosyası yenidən araşdırılıb və şübhəlinin izinə şokolad qablaşdırması vasitəsilə düşülüb.

Milli.Az xəbər verir ki, 2018-ci il iyulun 10-da Ekşiliyurt məhəlləsində sakinlər zibil qutusunda körpə meyiti aşkar edərək polisə məlumat veriblər. Hadisə yerinə gələn hüquq-mühafizə orqanları və tibb işçiləri uşağın doğumdan dərhal sonra, hətta göbək bağı kəsilmədən atıldığını və artıq həyatını itirdiyini müəyyən ediblər.

Muğla Cinayət Bürosunun əməkdaşları illər sonra istintaqı yenidən açaraq zibilə atılmış və içərisində şokolad qablaşdırması olan mağaza paketini incələyiblər. Marketin həmin ay üçün olan təhlükəsizlik kameralarına baxan müstəntiqlər, əsas şübhəlinin Gülcan Dəniz, yəni uşağın anası olduğunu müəyyən ediblər.

Polis tərəfindən saxlanılan qadın ifadəsində uşağın ona aid olduğunu, həyat yoldaşı tərəfindən daim zorakılığa məruz qaldığını və övladını dünyaya gətirmək istəmədiyini etiraf edib. O, evin salonunda təkbaşına doğuş etdiyini, daha sonra körpənin boğazına parça ilə düyün atdığını və meyitini torbaya qoyaraq zibil konteynerinə atdığını bildirib.

Cinayəti bildiyi müəyyən edilən həyat yoldaşı İsmayıl Dənizlə birlikdə məhkəməyə çıxarılan qadın həbs olunub. Cütlük, növbətçi hakimliyin qərarı ilə barələrində həbs qətimkan tədbiri seçilərək həbsxanaya göndərilib.

İsmayıl
Milli.Az