Kriminal

Azərbaycana gətirilməsi üçün aldıqları maşınlar Potidə qaldı - İş adamı həbs edildi - FOTO

20 Aprel 2024 16:07
Baxış: 1 761
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Barəsində hüquq-mühafizə orqanlarına çoxsaylı şikayətlər daxil olmuş iş adamı, 1959-cu il təvəllüdlü Sənan Ağamirov həbs edilib.

Milli.Az qafqazinfo-ya istinadən xəbər verir ki, barəsində bir neçə gün əvvəl cinayət işi açılan S.Ağamirov haqda Nəsimi Rayon Məhkəməsinin qərarı ilə həbs-qətimkan tədbiri seçilib.

Belə ki, bir müddət əvvəl 10 nəfərə yaxın şəxs hüquq-mühafizə orqanlarına müraciət edərək Sənan Ağamirovun onları aldadaraq xeyli məbləğdə pullarını ələ keçirməsini bildirmişdi. Həmin şəxslər Koreyadan aldıqları avtomobillərin Azərbaycana gətirilməsi ilə bağlı ona xeyli məbləğdə daşınma xərci və xidməthaqqı ödədiklərini deyiblər. Lakin avtomobillər Gürcüstanın Poti limanına kimi gətirilsə də, sonradan Azərbaycana göndərilməyib və maşınlar orada qalıb.

Bundan başqa, daha bir şikayətçi - E.Abbasov da S.Ağamirovun ondan Koreyadan maşın alıb gətirmək adı ilə 93 500 manat alması barədə şikayət ərizəsi yazıb.

Faktla bağlı Nəsimi Rayon Polis İdarəsində Cinayət Məcəlləsinin 178.3.2-ci (Külli miqdarda dələduzluq) maddəsi ilə cinayət işi başlanılıb, araşdırmalar davam etdirilir.

Qeyd edək ki, S.Ağamirovun adı əvvəllər başqa qalmaqallı hadisələrdə də hallanıb.

Milli.Az
Xəbərlərimizi WhatsApp kanalımızdan da oxuyun

Məqaləyə dair fotomateriallar:

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.