Kriminal

Evə getməyə pul vermədikləri üçün söydü və... - Xuliqanlığın sonu yaxşı olmadı

29 May 2023 20:58

Baxış: 1 718

VTB-də minimal faiz dərəcəsi ilə nağd kredit 9.9%-dən

#DAXİLİ İŞLƏR NAZİRLİYİ

Naxçıvanda xuliqanlıq edən Babək sakini həbs edilib.

Milli.Az qafqazinfo-ya istinadən xəbər verir ki, 42 yaşlı Əli Qafarov (şərti) yaşadığı kənddən çıxaraq Naxçıvan şəhərinə gəlib. Yeməkxanaların birində spirtli içki qəbul edib.

Daha sonra yeməkxanadan çıxaraq Əcəmi seyrangahına yola düşüb. Parkda bir az gəzdikdən sonra cibində pul olmadığı üçün yaxınlıqdakı vətəndaşlardan kəndə getməsi üçün pul istəyib. Heç kəs ona pul vermədiyindən əsəbiləşib, küçədə nalayiq ifadələr işlədib.

Bu zaman ərazidə xidmət aparan polis əməkdaşı ona yaxınlaşaraq nizam-intizama dəvət edib. Lakin o, hərəkətlərinə davam etdiyi üçün polislər onu məcburi qaydada bölməyə aparıblar.

Şəxs barəsində İnzibati Xətalar Məcəlləsinin 535.1 (polisin qanuni tələbinə tabe olmama) və 510-cu (xırda xuliqanlıq) maddələri ilə protokol tərtib edilib.

Naxçıvan Şəhər Məhkəməsi protokolu əsaslı hesab edərək Ə.Qafarova 13 gün inzibati qaydada həbs cəzası verib.

Milli.Az