Kriminal

Kriminalist Nərminin qatilini təsvir etdi

22 May 2022 11:45
27 Şərh     Baxış: 9 222

"Nərmin işi"ni o dərəcədə siyasiləşdirib, intriqa və ictimai-siyasi ziddiyyətə çevirib, kriminal hadisə əndazəsindən çıxarıblar ki, artıq bu işə baş qoşub, təhqiqat aparıb, konkret söz deyib, fikir bildirmək kəskin qısqanclıq və bundan da doğan havayı başağrı yaradır. Xalq, cəmiyyətə isə müəmmalar, həyəcan-stress qalır!

Ona görə də düşündüm ki, bu məsələyə başqa bir rakursdan ümumi nəzərlə yanaşıb, tədricən problemin kökü, qəlivini açaq ortaya qoyaq və qoy cəmiyyətin fikri kənardan yeridilənlə deyil, öz qənaəti ilə formalaşdırsın.

Hər şeyi bir kənara qoyub, hesab edək ki, hələ təqsirli müəyyən (aydın) edilməyib və axtarılır. Və sual qoyaq: Nərminin qatili kim ola bilərdi?!

Əvvəlcə görək, Nərmin üzərində hansı cinayət əməlləri törədilib, açıq, obyektiv faktlara görə:

- adam (azyaşlı, 10 yaşlı qız uşağı) oğurluğu;

- xeyli müddət şəraitsiz, qidasız, soyuq yerdə, qorxu, təzyiq altında saxlayaraq, əzab, işgəncə vermə;

- pedofiliya: müxtəlif formalarda, üsullarla və vasitələrlə azyaşlının üzərində öz daxili normal, ya öz pato-psixoloji cinsi ehtirasını söndürmə;

- həyatla bir araya sığışmayan ağır xəsarətlər, yandırma, xüsusi amansızlıqla adam öldürmə.

Sual oluna bilər ki, ola bilsin uşağı oğurlayanın cinsi əlaqə imkanı olmasın bəs onda pedofiliya mümkünmü?

Tam mümkündür. Pedofillər cinsi ehtiraslarını müxtəlif alətlərlə, sürtünmə və ya qucaqlamaqla, hətta uşağın üzünə və ya onun əzab çəkməsi, ağlamasına baxmaqla söndürə bilirlər. Öz patopsixoloji ehtiraslarını! Nərmin faciəsində motiv pedofiliyanı görürəm.

Keçək qatil pedofilin kimliyi, portretini cızaq.

Pedofiliya psixika, ağılın yox, psixologiya, yəni xasiyyət və davranışın deformasiyasıdır. Bunlar el dilində təxmini desək, "dəli" deyil, "bic"dirlər. Pedofil əsasən 13 yaşdan aşağı uşaqlara meyil göstərənlərdir. Niyə? Çünki onlar iki şəxsiyyətli və xarakterli psixopatdırlar. Bunlarda şəxsiyyət ikiləşir, bir bədəndə iki tam fərqli şəxsiyyət var. Və bunlar çox təhlükəli insanlardır. Sakit, fağır, mədəni, intellekt şəxsiyyət birdən vəziyyətdən asılı olaraq, çönür qəddar, aqressiv kobuda.

Pedofillərdə niyə azyaşlı uşaqlara həvəs var? Çünki onlarda cinsi şüur yeniyetmə 15-16 yaş dövründə qalıb, inkişaf etməyib şəxsiyyəti. Və bununla onların marağı, diqqəti azyaşlılara yönəlir, özlərini 15-16 yaşlı oğlan hiss edirlər. Digər şəxsiyyəti ilə isə həyatda, böyük insanlar kimi davranır, təhsilli, savadlı, bacarıqlı da ola bilirlər. Cəmiyyətdə güclü inam, hörmət də qazananları olur.

Sadəcə azyaşlı, gözəgəlimli qız uşağı görəndə anidən beyinləri manyaka çönür.

O yeniyetmə cildinə keçəndə də mimikaları və səs telləri, davranışları elə yeniyetməyə dönür ki, azyaşlı qızlarda 15-16 yaşlı bir oğlan təsviri yaradıb, onların etibarını alıb apara bilirlər!

Bunlardakı ümumi xasiyyət də normadan çıxır. Ya çox enerjili, münasibətli, ya da ki, çox passiv və özlərinə qapanan, tənhalığa çəkilən olurlar. İkişəxsiyyətlilər ikiüzlülərdən fərqli olaraq, çox, xüsusi təhlükəlidirlər. Çünki onların əsil simasını daha çətin ayırd etmək olur. İkiüzlü eyni şəxsiyyətin iki üzüdür, davranışına yaxşı diqqət etsən, əsl simasını ayırd etmək olur.

Şəxsiyyəti ikiləşənsə eyni bədən cismində iki fərqli şəxsiyyət, insan deməkdi, metamorfoz kimi vaxtaşırı bir-birinə çönüb, bir-birini əvəz edən. Ona görə bunların əsil simasını ayırd etmək adi gözlə, mütəxəssis olmayan çoxluq üçün mümkünsüz qədər çətin olur.

Bunlar mahiyyətcə də amansız və qəddar, niyyətləri çox təhlükəli, psixoloji pozuntulu olur. Belə tiplərə cəmiyyət içində tək pedofillər deyil, şikarını məharətlə aldadan dələduzlar və yaxud müdirini cildə girib yıxan karyeristlər və sair formalarda da rast gəlmək olur, öz seçdiyi hədəfə doğru təmkinlə, tədbirlə, inadla gedən.

Təcrübəmizdə pedofillərin, xüsusi bacarıqları ilə, hətta istintaqı da dolayıb, fırladıb, çaşdırıb dolaşığa salma halları çox olur. Əvvəlcə, özünü fağır, sakit, məsum göstərib, əməliyyatçılar və istintaqçıları, vicdanlı etirafçı və "üzüyola" kimi işin artıq 100% açılmasına arxayınlaşdırırlar. İşin prosessual səliqəsiz, hətta başdansovduluqla aparılmasına nail olurlar. Sonradan məhkəmədə 180 dərəcə çevrilib, istintaqda qüsurlar tapıb, hər şeyi boynundan atmağa müyəssər olurlar.

Olub, Rusiyada hətta onu izolyatorda dindirən müstəntiq qadına təsir edib, "sevgiylə" aldadıb, hipnoza salıb silahını ala bilib qaçan (və sonra müstəntiq həbs edildi!) pedofilə də rast gəlinib.

Nərminin qatili pedofil hansı yaş dövründə ola bilər? Çox gənc ola bilməz. Cinsi ehtiras həvəs, maraq şüuru 15-16 yaşdakı dövrdə ilişib qalsa da, yaşı - kifayət qədər həyat təcrübəsi, təhsil və bilgilər alan, müəyyən əziyyət və ağrıları da keçirən bərkimiş, tədbirli, hiyləgər və qəddarın birisinə uyğundur. Çünki 10 yaşından irəli inkişaf etmiş ağıl və davranışdakı qıza təsir edib, inam yaradıb, aldadıb aparmaq, şikarını 44 gün öz ehtiraslı istifadəsində gizli saxlamaq və səbr, səliqə, tədbir, ardıcıllıqla onu işgəncə ilə öldürmək, tezalışan sintetik materiala büküb müvafiq qaranlıq, kimsəsiz vaxt, şəraitli yer seçmək, meyiti gətirib izi itirmək düşüncəli rahat yandırmaq böyük yaş və təcrübə tələb edir.

Bu bir.

İkincisi, azyaşlı qızcığazı oğurlama, onu vəhşi cinsi ehtirasla 44 gün ağır, bağlı şəraitdə qidasız, natəmiz saxlama amansızlığı və axırda da halsız, qurumuş uşağı əvvəl bir neçə zərbə ilə küt, sərt alətlə başını vurub dağıtma, sonra isə onu yandırma qəddarlığı da xeyli yaş tələb edir o qatildən. Bunları bir gənc edə bilməzdi!

Nərminin qatili pedofil hansı bölgədə yaşayar?

Elə həmin bölgədə. Bu şəxs xeyli müddət qızı (fikrimcə, son bir ildə qız sanki öz yaş dövrünə uyğun və 15-16 yaşlı yeniyetmələrin diqqətini çəkmə tərzində olanda) öz patoloji ehtiras şüuru, diqqətində saxlayıb. Ara-sıra və bəlkə də hiss etdirmədən, özünün qəsdən yaratdığı "təsadüfdən" qıza "rast" gəlib və salamlaşıb, bəlkə də qısa danışdırıb. Qız da onu uşaqlıqdan tanıyıb öz həmyerlisi kimi.

İkincisi, qatil həmin bölgədən olmayaraq uşağı oğurlayıb uzaqda saxlasaydı, onu nədən uzaq yerdəcə atmayıb, basdırmayıb, gətirib həmin o məhəllədə meyitini yandırıb atsın? Və bir də ki, uzaq bölgədən olan və yerli şəraiti yaxşı halda tanımayan şəxs, hansı bilgi və arxayınlıqla zibil, ya artıq əşyalar atılan sahəni tanısın, özü ilə neft gətirib meyiti rahat yandırsın? Ya uzaqdan necə meyiti sürüyüb gətirsin, əgər ki, maşını ilə gətiribsə belə tədbirli adam bilmirmi özgə maşını kənd yerində gözə çarpar və belə bir imkan, maşını olubsa, meyiti gözdən uzağa, dərə-təpəyə niyə aparıb itirməsin? Burada bir məsələ də ortaya çıxır ki, yerli qatilin də elə bir imkanı olmayıb ki, meyiti uzaqda itirsin. Olsa, meyiti gətirib ora atmaz, istintaqa faktlar verməzdi.

Nərmin faciəsi barədə ixtisaslı fikirlərim hələlik bu qədər. Gedişata baxıb əlavə fikir bildirərik.

İlqar Altay, hüquqşünas-kriminalist

İllik 14.5%-dən 30 000 manat zaminsiz komissiyasız kredit

Şərh yaz:

27 Şərh:

  • Anonim
    Hh · 22 May 12:13160

    Bu uşagın qatili her kimdirse İnşallah tapılsın ve laiqi cezasını alsın ama bu yazıda ele İlkini gösteribsiz ele bil

    Cavab yaz
  • Anonim
    Jale · 22 May 12:17100

    Bilmirsiz yazıq İlkinin üstünə necə yixasiniz bu hadisəni. Mus mus deyince deyərdin ki, ilkin törədib də.

    Cavab yaz
  • Anonim
    dagli qizi · 22 May 12:3370

    Meqalede "Nermin iwine" gore hebs edilen tesvir edilib ki...Axi mehkum mehkemede ona isgence neticesinde bu cinayetin boynuna zorla qoyulmasini iddia edir. Hem de eyer qatil ele o bolgedendirse, 44 gun meharetle gizletdiyi wikarini ele o meharetle de bir yer tapib gizlice basdira bilmezdi ki...Neye gore ele kendin icine getirib, orada yandirib?Cinayetin qisas meqsediyle toredilmesinden hec kim daniwmir, halbuki, meyitin kend icinde, evlerin kenarinda yandirmasi hec ne demek deyil? Bir yazigi, fagiri tapib, iwgence hesabina boynuna qoyulmasi ne demekdir?

    Cavab yaz
    • Anonim
      User · 22 May 18:1340

      Manyaklar siz demisken oz qurbanin cəsədini gizledirler.Amma bu isde meyiti getirib yandiriblar demek olar ki qizin oz evi qarsisinda.Bu qisasa oxsayir.Bele olmasaydi deyerdik he manyak pedofil eleyib (İlkin ya basqasi).Nerminin ailesi aciglamadiglari məqəmlar var.Onlarin kecmislərni arasdirmaq lazimdi.

      Cavab yaz
    • Anonim
      Seid · 25 May 09:2110

      tamamile qisas kimi gorunur. anasida normal insana oxshamir. insanin qizini oldurubler bu ise prezidentden EV isteyirdi. Bu shupeli deyil?

      Cavab yaz
  • Anonim
    HƏKİM ELDOSTU · 22 May 12:51111

    Kriminalistin mülahizələri ilə qəti razı deyiləm. Çünki tapılmış meyitin əlamətləri ilə Nərminin əlamətləri arasındakı ziddiyyətlər var. 1) İstintaq Nərminin boyunun 1.20 sm olduğunu müəyyənləşdirib. Tapılan meyitin uzunluğu isə 1.47sm-dir. 2) Tibbi eekspert tapılan cəsədin 2-ci qan qrupuna aid olduğu bildirib. Nərmin isə şəxsiyyət vəsiqəsindəki məlumata əsasən 4-cü qan qrupuna aiddir. 3) Ekspert cəsədin 1 dişinin olmadığını qeyd edib. Valideynləri isə bildirib ki, Nırminin 2 dişi olmayıb. Bütün bunlardan sonra necə qərar vermək olar ki, yandırılmış cəsəd qalıqları Nırminə aiddir(?!)

    Cavab yaz
    • Anonim
      User · 22 May 18:1413

      10 yasli normal usagin boyu 120 sm ola bilmez.Cox azdi.

      Cavab yaz
  • Anonim
    #### · 22 May 13:0187

    Tamamile raziyam. Cinayetin ilk gunlerinden kriminalistle eyni fikirdryem ve hemise cinayetkarin tutulan sexs oldugunu dusunmusem. Baxmayaraq ki bu insan belli bir yasdadir ancaq intim meselelerde infantildir. Manyak Cikatilonun da potensiya problemleri var idi, sakit ve ozune qapaniq birisi idi.

    Cavab yaz
  • Anonim
    asi · 22 May 14:11112

    Bu analizdə nöqtədən vergülədək hər söz sanki İlkini təsvir edib və sanki, İlkinin qatil olduğuna milləti inandırmaq üçün sifarişli qələmə alınıb...Çünki, son zamanlar İlkinin qatil olmadığı ehtimalları və əvvəlki istintaqlarda yetərincə şübhəli məqamların olması mətbuatda yayılmaqda idi...

    Cavab yaz
  • Anonim
    Günel · 22 May 18:55101

    Mənasız nağıl danışıb fikir fomalaşdırnaq istəyirsən ki, qatil İlkindir, əgər həqiqətən kriminalistikadan anlayışın varsa niyə ortada dəqiq dəlil yoxdur və niyə polis rəisi və digərləri lşdən atılıb??? Ən nəhayət Nərminin əvvəl çox kasıb olan ailəsi sonradan necə varlandı???

    Cavab yaz
  • Anonim
    Mən · 22 May 18:5930

    Çox müəmmalı işdir.

    Cavab yaz
  • Anonim
    ??? · 22 May 20:2580

    Ilkinin ailesinin yalanlarindan niye yazan yoxdur? Deyirler cesedin DNA-si yoxlanmayib, amma polis deyir yoxlanilib, umumiyytle lazim gelse eksqumasiya edib yeniden DNA testi etmek olar, hetta 10 yasli qizin hamile oldugunu da deyir Ilkinin qohumlari, yani her yalana el atirlar. Bu yaziq usagi hansi imkanli ve ya vezifeli sexs oldurub ki, bu cur ses-kuy yaratmis bir isde bu insani bele mohkem qoruyalar

    Cavab yaz
  • Anonim
    Çiçək · 23 May 00:5232

    Boş və mənasız nağıllar.. Nərminə əzab vermiləyib, tapılan cəsəd ona aid deyil.. Nərmini anası orqan üçün satıb bunu da hər kəs bilir.. Şabranda itən iki bacı kimi bu qız da orqan üçün satıldı.. Bu nağılları özünüz üçün saxlayın.. Azərbaycanda kriminalist yoxdu, nəfsinə satılmış orqan işçiləri var, maləsəf..

    Cavab yaz
    • Anonim
      ? · 23 May 12:3410

      Maləsəf nədi ki?

      Cavab yaz
    • Anonim
      User · 23 May 18:0610

      Onda tapilan cesed kime aiddi?

      Cavab yaz
  • Anonim
    Çiçək · 23 May 00:5622

    Cinayətkar ana, cinayəti törədən hansısa nazir, güc admı, suçlanan xəstə bir insan.. Bu nağılları özünüzə saxlayın..

    Cavab yaz
  • Anonim
    azər · 23 May 09:4411

    Bu nağılı saxla, nağıla inananlar üçün.

    Cavab yaz
  • Anonim
    ??? · 23 May 10:0620

    Araşdirma nə gündədir ki, adi bir cinayətin əlində aciz qalıb. Krışa görəsən kimdir ki, bu iş illərdir həqiqi həllini tapa bilmir??????

    Cavab yaz
  • Anonim
    Hümbət · 23 May 18:4210

    Mən bilmirəm , tibbi ekspertiza onun bütün daxili orqanlarının yerində olub olmadığına dair rəy veribmi ? Bəlkə bu uşaq elə orqan alverçilərinin qurbanı olub ? Bu versiya araşdırılıbmı ?

    Cavab yaz
  • Anonim
    Rübabə Dadaşova · 24 May 09:2100

    ... üzr istəyirəm, dönə-dönə, cəsədin başının qırxılması, dırnaqlarını tutulması , bəli, cəsəd sağ olarkən onun hardasa qapalı saxlanmasından xəbər verir. Fahişəliyə məcbur edilən qadınların müqavimət göstərməməsi, ən başlıcası isə özlərinə xəsarət yetirməməsi və qəsd etməmələri üçün edilir. Bu istintaqın fakta əsaslanmayan uydurması, havada qalan fikirdir ki, " qatil təcrübəli olduğu üçün dırnaqları kökündən tutubdur." Xeyr, insan ətrafdakılara və özünə xəsarət yetirməməsi üçün dırnaqlar kökündən tutulur, paltarsız saxlanılır. Məhz buna görə də tapılan cəsədin əynində alt paltarları olmayıbdı. Özlərinə əmin şəkildə də buna heç kimin reaksiya verməyəcəyini fikirləşib cəsədə deyilən paltarlara uyğun paltarlar geyindirilibdi. Əgər cəsədin əynindəki Nərminə məxsus paltarlar olubsa, ailə özü bu paltarları hazırlayıb, ya Nərmini iyirmi noyabrda toydan birlikdə yola saldıqları adama veriblər, ya da sonra cəsəd tapılana yaxın öz əlləri ilə qatilə veriblər. İstənilən halda isə uşağı aparan manyak adam

    Cavab yaz
  • Anonim
    Rübabə Dadaşova · 24 May 09:2300

    Nərminin qatilləri yalnız aşağıdakı işgəncələri reaılaşdıranların sırasında ola bilər https://youtu.be/0j6g6cTaB5A

    Cavab yaz
  • Anonim
    Rübabə Dadaşova · 24 May 09:4000

    Bəli, siyasi, tam olaraq siyasətin kökünə dirənən cinayətdir. Söhbət siyasi iqtisadi sistemi xarakterizə edən istehsal münasibətlərinin tərkibindən gedir. Yəni conayət Azərbaycanı çökürdən gizli iqtisadiyyatı işçi qüvvəsi ilə təminindən gedir ki, bu iqtisadiyyat modeli xaricdən idarə olunaraq Azərbaycanda formalaşdırılır. Bu haqda əvvəllər çox danışdıq ki, bu gizli, qapalı məkanlarda həqiqi əsir-qul əməyinə əsaslanan gəlir tam olaraq ölkədən çıxardılır və bunu rəqəmlər açıq söyləyir. Azərbaycanlılar öz ölkələrində oğurlanaraq ömürlərinin axırına kimi qapalı məkanlarda əsir həyatı yaşayıb qul kimi işlədilirlər. İkinci tərəfdən bu planlı soyqırım deməkdir. Bu qapalı müəssisələr son dərəcə müasir model texniki vasitələrlə nəzarət və mühafizə olunurlar. Üçüncü, bu qapalı müəssisələrdə vəhşiləşmiş, manyaklaşmış, faşist mühafizə dəstəsinin mövcudluğu deməkdir. Dördüncü isə, bu müəssisələri qul ilə təmin edən vəhşiləşmiş polis qruplaşması və onları son pilləyə qədər müdafiə edən hüquq mühafizə işçilərinin...

    Cavab yaz
  • Anonim
    Rübabə Dadaşova · 24 May 09:5000

    ..lığı, məmur ordusunun varlığı deməkdir. Bütöv ölkəni idarə edən rəsmi dövlət orqanları işçilərinin iştirakı olan cinayət deməkdir. Sosual-müdafiə Nazirliyinin sığınacağı adı ilə polis vasitəsilə 7ndanlar oğurlanır. Tək hələ bunu qeyd etdim. Azərbaycanı məhz bu sığınacaqlar və polislə bağlı insan oğurluğuns görə ciddi beynəlxalq mühakimə gözləyir. Kağız üzərində hər şey qaydasındadır: çoxdan ölmüş, xəbər-ətər olmayan adamlar kağız üzərində yaşayır dövlətdən maaş və güzəştlər alır və s.i. söhbət Azərbaycanın hərbi əsir düşərgəsinə çevirən qatı cinayətkar idarə etmə sistemindən gedir. İndi bu sadaladıqlarınızın sadə Azərbaycan kişisinə yoxsa kimlərdə olmasını dəqiqləşdirib məqalənizə yekun vurun.

    Cavab yaz
    • Anonim
      Ürəyin boşaldı?) · 24 May 14:1100

      Sənin ürəyin doluymuş ki, Allah saxlamış

      Cavab yaz
  • Anonim
    Azerin · 24 May 12:3320

    Hormetli İlqar Altay, musmus deyince bir defelik Ilkin deyerdinde. Bu qeder chene yormaga ne gerek vardi. Birde men Azerbaycanda ədalətli-mərd kriminalist olduğuna qəti inanmıram.

    Cavab yaz
  • Anonim
    kate · 24 May 15:4110

    görən bu yazını neçəyə yazıb?

    Cavab yaz
    • Anonim
      Seid · 25 May 09:2310

      ne gonderibler onu COPY-PASTE edibş oda chox chetin ishdir I)

      Cavab yaz

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.

Global site tag (gtag.js) - Google Analytics