Ölkə

Bakıdan paylaşılan bu foto haqda RƏSMİ AÇIQLAMA

9 İyun 2021 11:14
Baxış: 3 875
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Ekologiya və Təbii Sərvətlər Nazirliyi son günlər sosial şəbəkələrdə geniş yayılan və "Boz Bakı", "Ağacsız Bakı" başlığı ilə paylaşılan foto haqda açıqlama verib.

Nazirliyin Dövlət Ekoloji Təhlükəsizlik Xidmətinin rəisi Hikmət Əlizadə "Qafqazinfo"nun bununla bağlı sorğusuna cavab olaraq bildirib ki, səmadan çəkiliş xüsusi vasitələrlə təyyarədən çəkilirsə, yaxud kosmik çəkilişdən söhbət gedirsə, bu zaman əvvəlki görüntülərlə müqayisə edilməlidir: "Biz bəzən görürük ki, Dağüstü parkdan bir şəkil çəkilir və Bakı haqda fikirlər bildirilir. Bakı təkcə mərkəzi hissədən ibarət deyil. Bakının Sabunçu, Suraxanı, Pirallahı rayonları tamamilə neftlə çirklənmiş ərazilər idi, heç bir park yox idi. Paytaxtın yaşıllığı haqqında danışdıqda kompleks yanaşmaq lazımdır.

Abşeron yarımadasında yerləşdiyindən Bakının torpağı çox da münbit deyil. Paytaxtda yaşıllıq çox çətinliklə bitir və buna görə də biz hər bir ağac uğrunda mübarizə aparırıq. Bakıda ağacların kütləvi kəsildiyini iddia etmək də düzgün deyil. Biz ötən il çoxlu sayda qeydiyyat aparmışıq, hüquq-mühafizə orqanlarına müraciət etmişik, 147 akt tərtib edilib. Hər birində 1,3 yaxud 5 ağacın kəsilməsindən söhbət gedir. Amma yüzminlərlə ağac əkilir. Təkcə "Nəsimi ili" çərçivəsində ölkədə 650 min ağac əkilmişdi, onların 80 mini Bakıda idi. Əkilən ağacların yetişmə faizinə də baxdıqda Bakıda yaşıllığın azalmasını deyə bilmərik.

1960-cı illərdə Bakının cəmi 1,5 faizi yaşıllıq idi. Ümumilli lider hakimiyyətə gəldikdən sonra 15 il ərzində yaşıllıq 8-10 faizə çatdı. Hazırda da bu artım dinamikası davam edir. Bir məsələni də xüsusi qeyd edim ki, yaşıllıqların uçotunun aparılması qanunvericiliyə görə yerli icra hakimiyyəti orqanları aparmalıdır və müvafiq orqanlara təqdim etməlidirlər. Çox təəssüf ki, bu iş aparılmır".

Milli.Az

Məqaləyə dair fotomateriallar:

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.