Ölkə

İnfeksionistdən sevindirici xəbər: İstədiyimiz nəticəyə doğru gedirik

7 May 2021 14:21

Baxış: 1 634

VTB-də minimal faiz dərəcəsi ilə nağd kredit 10.49%-dən

"Operativ Qərargahın brifinqi əslində gözlədiyimiz kimi oldu".

Bunu Milli.Az-a açıqlamasında infeksionist İlahə Vəliyeva deyib.

O bildirib ki, ölkəmizdə COVİD-ə yoluxanların sayında yenidən sürətli artım olmayacaq:

"Statistikaya baxsaq görərik ki, yoluxma sayı günü-gündən azalır. Buna uyğun olaraq da bayram öncəsi qapanma qərarı verilmədi. Amma bu o demək deyil ki, bütün məhdudiyyətlər tam şəkildə aradan qalxmalıdır. Maskadan istifadə, sosial məsafə kimi qaydalara əməl etmək lazımdır. Xüsusilə ictimai yerlərdə, insanların sıx toplaşdığı yerlərdə, marketlərdə, avtobuslarda bu qaydalara ciddi riayət olunmalıdır ki, daha da növbəti yumşalmalara gedə bilək.

Deməzdim ölkəmizdə COVİD-ə yoluxanların sayında yenidən sürətli artım olacaq. Yoluxma sayının azalmasında peyvəndin rolu çox böyük oldu. Həm də artıq insanların böyük əksəriyyəti əvvəlki qədər laqeyd olmadılar, hər hansı bir əlamət, simptom müşahidə edilən kimi vaxtında həkimə müraciət etdilər. Buna görə də istədiyimiz nəticəyə doğru gedirik".

Təhməz Əsədov
Milli.Az