Ölkə

DİM: Dövlət qulluğuna imtahan verib nazir müavini vəzifəsinə yüksələn də var

6 Avqust 2020 14:35
Baxış: 1 193
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Məsləhətçi vəzifəsinə qəbul edilən dövlət qulluqçuları arasında şöbə müdiri vəzifəsinə, hətta nazir müavini vəzifəsinə yüksələn də var.

Milli.Az xəbər verir ki, bunu Dövlət İmtahan Mərkəzinin Dövlət qulluğu məsələləri şöbəsinin müdiri Vüqar Əsgərov deyib.

V.Əsgərov qeyd edib ki, dövlət qulluğuna qəbul olan şəxslərin vəzifədə yüksəlişi də müsabiqə yolu ilə - daxili müsahibə əsasında olur.

Onun sözlərinə görə, indiyədək 6125 nəfər dövlət qulluğuna təyin edilib. Bu da ümumi dövlət qulluqçularının 30 faizini təşkil edir.

Hazırda yüksək dövlət qulluğu vəzifələri də daxil olmaqla, bütün dövlət qulluğu vəzifələrinə qəbulun müsabiqə yolu ilə keçirildiyini deyən V.Əsgərov qeyd edib ki, nazirlik yanında xidmət və agentliyin rəisi, rəis müavini, nazirliyin şöbə müdirləri dövlət qulluğunun ən yuksək vəzifələridir.

Milli.Az

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.