Ölkə

Azərbaycanda polis mayoru koronavirusdan ölüb

7 İyul 2020 17:33
Baxış: 2 142

Azərbaycanda daha bir polis əməkdaşı koronavirusdan ölüb.

Milli.Az APA-ya istinadən xəbər verir ki, Laçın rayon Polis Şöbəsinin əməkdaşı, polis mayoru Zöhrab Əliyev COVİD-19 infeksiyasından vəfat edib.

Goranboy Rayon Mərkəzi Xəstəxanasının (Karantin Xəstəxanası) baş həkimi İftixar Zeynalov APA-ya açıqlamasında bildirib ki, Laçın rayon sakini, 1967-ci il təvəllüdlü Əliyev Zöhrab İbrahim oğlu ötən gün axşam saatlarında ağır dərəcəli pnevmoniya ilə xəstəxananın reanimasiya şöbəsinə daxil olub. Həkimlərin səyinə baxmayaraq onu xilas etmək mümkün olmayıb. Z.Əliyev bu gün səhər saatlarında xəstəxanada dünyasını dəyişib.

Xatırladaq ki, Z.Əliyev Laçın rayon Polis Şöbəsinin əməkdaşı olub.

Qeyd edək ki, bundan əvvəl də Azərbaycanda 2 polis əməkdaşının koronavirusdan ölməsi barədə məlumatlar yayılıb.  

Milli.Az

loading...

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.