Ölkə

"Novruz bayramı əlaqədar şənliklərin keçirilməsi hələ qüvvədədir" - Agentlik

27 Fevral 2020 12:16
3 Şərh     Baxış: 2 175

Koronavirusla əlaqədar dünyada hər gün vəziyyət dəyişir. Buna baxmayaraq, Azərbaycanda Novruz bayramı ilə bağlı hazırlıqlar davam edir. Bayramla əlaqədar şənliklərin, tədbirlərin keçirilməsi hələ qüvvədədir.

Milli.Az Trend-ə istinadən xəbər verir ki, bunu Dövlət Turizm Agentliyinin mətbuat katibi Kənan Quluzadə deyib. Onun sözlərinə görə, ötən ilin sonunda Azərbaycana gələn xarici vətəndaşların sayında 10 faizlik artımın olacağı proqnozlaşdırılırdı. Lakin bu il nəzərdə tutulan artımın mümkün olacağı gözlənilmir.

K.Quluzadə əlavə edib ki, ötən il Azərbaycan turizmi mənfi tendensiya ilə başlasa da, bu il müsbət tendensiya ilə başlayıb: "Buna görə də indi koronavirusa görə bu dövrləri müqayisə etmək hələ tezdir. Koronavirus Azərbaycanın sərhədlərinə yeni gəlib. Yanvarda koronavirus Çində var idi, lakin bu, bir o qədər də qlobal səviyyədə deyildi".

Agentlik rəsmisi əlavə edib ki, yanvar ayında Azərbaycana gələn turistlərin sayında 18 faiz artım var idi: "Fevralda da rəqəmlər müsbət olacaq, çünki bazar bir o qədər də bu virusa reaksiya verməyib. Digər tərəfdən, fevralın iki dekadasında ölkəmizdə İranda virusun yayılma təşvişi də yaşanmayıb. Lakin fevralın 3-cü dekadasında bununla bağlı dünyada vəziyyət dəyişdi. Martın birinci yarısının sonunda tendensiyanın nədən ibarət olacağı, rəqəmlərin necə dəyişəcəyi bilinəcək. Ümid edirik ki, illik rəqəmlərimiz mənfi olmayacaq. Amma bu, hadisələrin gedişatından asılıdır".

Milli.Az

loading...

Şərh yaz:

3 Şərh:

  • Anonim
    İRADE · 27 Fevral 12:2270

    turizm deye deye milleti qiracaqsiz

    Cavab yaz
  • Anonim
    Aze_Boy · 27 Fevral 13:2831

    ala ne bayram virus geldi olkeye

    Cavab yaz
  • Anonim
    Filantrop · 27 Fevral 14:5011

    Novruz Bayramında Bakıya ən çox İran vətəndaşı gəlir-indiki vəziyyətdə bayram keçirib qonaq qəbul eləmək ağılsızlıqdır.Bütün dünya önləyici tədbirlər görür,biz isə bayram haqqında (oxu-pul haqqında) düşünürük.

    Cavab yaz

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.