Ölkə

"Cənnət", "Xan bağı", "Xan sarayı", "Madonna" şadlıq sarayları...

8 Noyabr 2019 17:07
4 Şərh     Baxış: 9 048

Ekologiya və Təbii Sərvətlər Nazirliyi son bir həftə ərzində keçirilən monitorinq zamanı filtrlərini dəyişməməsi səbəbindən havaya atılan tüstü və zərərli tullantıların miqdarının normadan çox olduğu ictimai iaşə obyektlərinin adlarını açıqlayıb.

Milli.Az Trend-ə istinadən xəbər verir ki, nazirliyin nümayəndəsi Vüqar Kərimov bu gün keçirilən mətbuat konfransında bildirib ki, Bakıda restoranların havaya tüstü buraxması ilə bağlı ən çox pozuntu halları Nizami rayonunda qeydə alınıb:

"Çünki həmin ərazidə şadlıq saraylarının sayı çoxdur. Həmin ərazidə fəaliyyət göstərən "Cənnət", "Xan bağı", "Xan sarayı", "Madonna", "Milorətraf md", "Hissa", "Grace Hall", "Ayla" şadlıq sarayları , "Səhər mehi" və "Kometa" restoranlarında tullantıların miqdarı normadan artıq olub. Binəqədi rayonunda "Sonalar sonası", "Qızıl tac", "Şahənşah", "Mələk", "Oğuz xan", "Al saray", "Amor", "Röya", Xətai rayonunda "Fəridə", "Elgün" , "Neapol", "Movida", "Mirana", "Leyla", "Şahzadə", Nərimanov rayonunda "Şuşa", "Su sonası" şadlıq sarayları, "Orman", "Xankəndi", "İsa bulağı" restoranları, Sumqayıt şəhərində "Qubadlı", "Dan ulduzu", "Şəhanə", "Tural", " Nurlan" və "Dədə Qorqud", Abşeronda "Qarabağ", "Ülvi", "Səmayə və Sultan", Gəncə şəhərində "Firuzə", "Tural" və "Şəhzadə" şadlıq saraylarıdır.

Nazirlik rəsmisinin sözlərinə görə, həmin şadlıq saraylarının sahiblərinə xəbərdarlıq edilib ki, toy və tədbirlər zamanı havaya atılan tullantıların qarşısının alınması üçün obyektlərindəki manqalların fəaliyyəti dayandırılacaq:

"Atmosferə tullantı atan restoranlardan cərimə olunan, onlar barəsində hüquq mühafizə orqanlarına müraciət edilənlər də var. Restoranların təmizləyici qurğulara diqqət artırmaları çox mühümdür".

V.Kərimovun sözlərinə görə, nazirlik şadlıq evləri və restoranların fəaliyyətinin dayandırılması məsələsini qaldıra bilər:

"Hər hansı iaşə obyekti tikildikdə səs-küy normaları, iy-qoxu ilə bağlı mühafizə zolağı olmalıdır. Restoranların ölçüsündən, tutum sayından asılı olaraq bu mühafizə zolaqları müxtəlif ola bilər. Restoranlardakı səs-küylə bağlı müraciətlər çoxdur. Buna görə də qanunvericilikdə təsbit olundu ki gecə saat 12-dən sonra insanların daha çox cəmləşdiyi yerdə səs-küy salan obyektlərin fəaliyyəti dayandırılsın. Bu da insanların rahatlığının təmin olunması ilə bağlıdır. Bizim məqsədimiz hər hansı tədbirin keçirilməsinə mane olmaq deyil. Biz neqativ halı aşkarlayırıq, restorandan ətrafa tüstü buraxıldıqda, yəni manqallar yandırılan zaman tüstünün yolverilən həddə olub-olmadığını müəyyən edə bilirik. Həmin vaxt tüstünün həddi normadan çox olarsa, onların fəaliyyəti dayandırılacaq".

Milli.Az

loading...

Şərh yaz:

4 Şərh:

  • Anonim
    Anonimka · 8 Noyabr 17:43120

    Yazıq Garabag,torpaqlar ərmenide,zato restoran adları ile doludu .."Garabag","Qubadlı","Shusha".Birazdan Qarabag yalnız restoranlar adları kimi yaddashda galacag

    Cavab yaz
  • Anonim
    Rufet · 8 Noyabr 18:0070

    Ekologiya nazirliyi əməkdaşlari.Sumqayıt şəhərində yerləşən "Dörd qardaş" şadliq sarayinda bişən kababların iyi 6mkr ev 5-6-7-8 yerlesen heyete dolur.

    Cavab yaz
  • Anonim
    Fvb · 9 Noyabr 15:3010

    Ekologiya nazirliyi, ne vaxt bu tank Kimi dizel tustusu ile cammati zeherleyen avtobuslari, mashinlari barede tedbir goreceksiniz?????!!!!!

    Cavab yaz
  • Anonim
    Kimse · 10 Noyabr 08:5921

    Ne 12dən sonra. Birincisi heç bir normal ölkədə şadlıq sarayları şəhərin mərkəzində olmur. Bunları şəhər kənarına keçirmək lazımdır. İkincisi gecə saat 12də fishəng partladıb, böyük kiçiyin ürəyini salamaq olar, səhər sübh namazında azan vermək olmaz ki, kafirlərin balaları qorxur. Bəs adama deyərlər iki addım kənarda saat 12də atılan fishəng balanı qorxutmur? Güya səs normalarına fikir verirlər Qarayevdə pəncərəni aça bilmirəm yayda ki nəfəs alaq, ev elə bil şadlıq sarayıdır. Bunları yaxşı bilirsiz, çünki elə belə adamın şadlıq sarayı ola bilməz şəhərin mərkəzində özdə.

    Cavab yaz

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.