Ölkə

DİN-dən vətəndaşlara xəbərdarlıq: İnanmayın!

14 Avqust 2026 14:41

Baxış: 960

VTB-də minimal faiz dərəcəsi ilə nağd kredit 9.9%-dən

#DAXİLİ İŞLƏR NAZİRLİYİ

DİN vətəndaşlara tanıdıqları şəxslərin adından gələn şübhəli mesajlara inanmamağı tövsiyə edib.

Bu barədə nazirliyin Mətbuat xidməti məlumat yayıb.

Bildirilib ki, son günlər "WhatsApp" tətbiqində və ya sosial şəbəkələrdə vətəndaşların adına oxşar hesablar yaradılaraq onların yaxınları və tanışları ilə əlaqə saxlanılması, müxtəlif bəhanələrlə pul vəsaiti istənilməsi halları müşahidə olunur:

"Belə hallarda kiberdələduzlar tanıdığınız şəxsin adından, fotoşəklindən və digər məlumatlarından istifadə edərək saxta hesab yaradır, yaxınlarına yazaraq təcili pul göndərilməsini xahiş edirlər.

Vətəndaşlara müraciət edərək bu cür mesajlara qarşı diqqətli olmağa, tanıdıqları şəxsin adından göndərilən, xüsusilə də pul vəsaiti tələb olunan şübhəli müraciətlərə dərhal inanmamağa çağırırıq.

Sizə tanıdığınız şəxsin adından pul göndərilməsi barədə mesaj daxil olarsa, ilk növbədə həmin şəxslə digər vasitə ilə əlaqə saxlayaraq məlumatın həqiqiliyini dəqiqləşdirin.

Şəxsin profil fotosunun və adının tanış olması hesabın məhz həmin şəxsə məxsus olduğunu təsdiq etmir.

Şübhəli hesab və mesajlarla qarşılaşdıqda pul vəsaiti göndərməyin, şəxsi və bank məlumatlarınızı paylaşmayın, şübhəli keçidlərə daxil olmayın".

Vətəndaşlara kiberdələduzluqla qarşılaşdıqda dərhal DİN-in "102" Xidməti-Zəng Mərkəzinə və ya Nazirliyin rəsmi sosial şəbəkə hesablarına müraciət etməkləri bildirilib.

Müəllif: Tural Hüseyn (Milli.Az redaktor)