Ölkə

Subasma riski olan ərazilərdə daşınmaz əmlak qiymətləri ucuzlaşa bilər

9 Aprel 2026 10:30

Baxış: 893

VTB-də minimal faiz dərəcəsi ilə nağd kredit 9.9%-dən

#MƏNZİL

Son günlər ölkədə müşahidə olunan intensiv yağışlar daşınmaz əmlak bazarında müəyyən, lakin əsasən qısamüddətli təsirlər yaradıb.

Mövzunu Milli.Az-a şərh edən Azərbaycan Qiymətləndiricilər Cəmiyyətinin sədri Vüqar Oruc bildirib ki, yağışlar daşınmaz əmlak bazarına mövsümi təsir göstərə bilər.

"Bu dövrdə bəzi alıcılar və satıcılar gözləmə mövqeyi seçirlər. Lakin ölkəmizdə daşınmaz əmlak bazarı kifayət qədər dinamik olduğundan, hər hansı təbiət hadisəsinin bazara uzunmüddətli və köklü təsiri olmur. Bununla belə, son yağışlardan sonra baş verən sellər və subasmalar göstərdi ki, bəzi ərazilərdə ev və torpaq almaq məqsədəuyğun deyil. Bu səbəbdən vətəndaşların seçim edərkən daha diqqətli olmaları və təhlükəsiz ərazilərə üstünlük vermələri vacibdir".

Sədr qeyd edib ki, subasma riski olan ərazilərdə qiymətlərin stabilləşməsi və ya cüzi enməsi ehtimalı mövcuddur.

"Digər tərəfdən, yağışlar şəhərin mərkəzində yerləşən yeni tikililərə, qeyri-yaşayış sahələrinə və yaşayış komplekslərinə ciddi təsir göstərmir. Ümumilikdə daşınmaz əmlak bazarında qiymətlər əsasən təbiət hadisələrindən deyil, makroiqtisadi proseslərdən, tələbdən və ümumi bazar şərtlərindən asılı olaraq formalaşır".

Ayxan
Milli.Az