Ölkə

Həmin dərmanlar sığorta hesabına alınacaq

8 Dekabr 2025 12:00
Baxış: 1 186
VTB-də minimal faiz dərəcəsi ilə nağd kredit 9.9%-dən
#SIĞORTA

İcbari tibbi sığorta çərçivəsində dərman vasitələrinin seçim prinsipləri açıqlanıb.

Milli.Az xəbər verir ki, İcbari Tibbi Sığorta üzrə Dövlət Agentliyinin Dərman və tibbi vasitələr şöbəsinin müdiri Elmin Quliyev bu gün TƏBİB və Agentlik tərəfindən keçirilən "İctimaiyyətlə əlaqələr və media nümayəndələri üçün təlim"də çıxış edib və dərman vasitələrinin pozitiv siyahıya daxil edilmə prosesini izah edib.

Dərman vasitələrinin pozitiv siyahıya daxiledilməsi ərizəçi tərəfindən təqdim olunan sənədlər toplusundakı məlumatların müəyyən olunmuş meyarlara uyğunluğunun qiymətləndirilməsinə əsaslanır. Təqdim olunmuş məlumatlar Agentlik tərəfindən qiymətləndirilir və nəticəyə əsasən dərman vasitəsinin pozitiv siyahıya daxil edilməsi, dəyişikliklərin qəbul edilməsi və ya imtina qərarı qəbul olunur.

Qərarlara uyğun olaraq pozitiv siyahı rübdə bir dəfə yenilənəcək. 

Həmçinin pozitiv siyahıda dərman vasitəsinin razılaşdırılmış pərakəndə satış qiyməti, şərti kompensasiya məbləği və müştərək maliyyələşmə məbləği də müəyyən ediləcək. 

Müraciətlərin növündən asılı olaraq  ilkin yoxlama 15 iş günü, əsas baxış isə 90  iş günü ərzində tamamlanır. Dəyişiklik üzrə müraciətlərə isə 30 iş günü ərzində baxılacaq.

Mina Mikayılova
Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.