Ölkə

Füzulidə zəncirvari qəzada ölənlərin kimliyi bəlli oldu - FOTOlar

25 İyun 2025 09:38

Baxış: 1 132

VTB-də minimal faiz dərəcəsi ilə nağd kredit 9.9%-dən

#HADİSƏ #YOL-NƏQLİYYAT HADİSƏSİ

Füzulidə baş verən qəza zamanı ölənlərin kimliyi məlum olub.

Trend-in yerli müxbirinin əldə etdiyi məlumata görə, qəza rayonun 6 saylı qayıdış qəsəbəsində baş verib.

Hadisə zamanı "Mercedes" markalı avtomobildə olanlar Qurbanov Nicat, onun qardaşı Qurbanov Ceyhun və Süleymanov Elçin hadisə yerində həyatını itirib. Digər "KİA" markalı avtomobilin sürücüsü Qənbərov Bəndalı isə müxtəlif dərəcəli bədən xəsarətləri alaraq Füzuli Mərkəzi Rayon Xəstəxanasına çatdırılıb.

Xəstəxanadan verilən məlumata görə, B.Qənbərovun vəziyyəti ağır olduğundan Sabunçu Tibb Mərkəzinə təxliyə edilib.

Faktla bağlı araşdırma davam etdirilir.

xxx

06:18

Füzulidə baş verən zəncirvari qəzada ölənlər var.

Trend-in yerli müxbirinin xəbərinə görə, rayon ərazisində baş verən qəzada 3 nəfər hadisə yerində həlak olub.

Belə ki, hərəkətdə olan "Mercedes", "KİA" və "Opel" markalı avtomobilin toqquşması zamanı 3 nəfər həyatını itirib.

Qəza zamanı ölənin ikisinin qardaş olduğu bildirilir.

Faktla bağlı araşdırma aparılır.

Milli.Az