Ölkə

Dövlətdən maliyyəşənlərə VACİB XƏBƏR: İstənilən bankdan ala biləcəksiz - YENİLİK

2 May 2025 11:33

Baxış: 2 610

VTB-də minimal faiz dərəcəsi ilə nağd kredit 9.9%-dən

#MANAT #MƏRKƏZİ BANK #BANK KARTLARI

Xəbər verdiyimiz kimi, Azərbaycanda vətəndaşların istənilən bankdan maaşını ala bilməsi üçün mexanizm hazırlanır. Yəni maaş və təqaüd alan şəxs bankı özü seçə biləcək.

Bəs mexanizm necə qurulacaq?

Məsələ ilə bağlı Azərbaycan Mərkəzi Bankından (AMB) Milli.Az-ın sorğusuna cavab olaraq bildirildi ki, AMB ödəniş xidmətlərinə əlçatanlığın artırılması istiqamətində davamlı olaraq aidiyyəti dövlət qurumları ilə birlikdə zəruri tədbirlərin icrasını həyata keçirir.

"Təqaüdçülərə və dövlət büdcəsindən əmək haqqı alan şəxslərə vəsaitlərin alınması üzrə sərbəst bank seçimi imkanının yaradılması məqsədilə hazırda Mərkəzi Bank tərəfindən aidiyyəti dövlət qurumları ilə birlikdə görülməli işlər barədə aktiv müzakirələr aparır. Qeyd olunan modelin əsas üstünlüyü təqaüdçülərə və dövlət büdcəsindən əmək haqqı alan şəxslərə onlara xidmət göstərən bankı müstəqil seçmək imkanını təqdim etmək, habelə müştəri bazasının formalaşdırılması üzrə banklar arasında rəqabətliliyin artırılmasına dəstək göstərməkdir".

Mehman Əsədov
Milli.Az