Ölkə

Bakıda polis bataqlığa düşən sürücünü belə xilas etdi - VİDEO

16 Aprel 2025 17:02

Baxış: 1 951

VTB-də minimal faiz dərəcəsi ilə nağd kredit 9.9%-dən

#CƏMİYYƏT #POLİS #SÜRÜCÜ #YAĞIŞ

Bakıda yağan güclü yağışlar paytaxtın bir sıra ərazilərində ciddi fəsadlara yol açıb. Qaradağ rayonu ərazisində qeydə alınan hadisə bu fəsadların real təzahürlərindən biri olub.

Milli.Az xəbər verir ki, sözügedən hadisə barədə məlumatı Daxili İşlər Nazirliyinin Mətbuat Xidmətinin rəhbəri Elşad Hacıyev özünün sosial media hesabında paylaşıb.

Onun paylaşdığı görüntülərdə aydın görünür ki, minik avtomobili güclü yağış nəticəsində yolda yaranan iri gölməçəyə düşərək hərəkətsiz vəziyyətdə qalıb.

Avtomobilin içində köməksiz vəziyyətdə qalan sürücünün həyatını isə yaxınlıqda xidmət aparan polis əməkdaşı xilas edib. Suya girərək avtomobilə yaxınlaşan polis əməkdaşı sürücünü təhlükəli vəziyyətdən çıxararaq onu sahilə çıxarıb. Hadisə şahidlərinin qeyd etdiyinə görə, suyun səviyyəsi olduqca yüksək olub və vəziyyət sürücünün həyatı üçün təhlükə yaradıb.

Hadisə ilə bağlı aidiyyəti qurumlar məlumatlandırılıb. Polis əməkdaşının fədakarlığı isə sosial şəbəkələrdə istifadəçilər tərəfindən yüksək qiymətləndirilib. Şərh yazanlar onu "günün qəhrəmanı" adlandırıblar.

Qeyd edək ki, Daxili İşlər Nazirliyi və Bakı Şəhər İcra Hakimiyyəti bir daha əhaliyə müraciət edərək, güclü yağıntı şəraitində aşağı ərazilərdən və riskli hissələrdən uzaq durmalarını, nəqliyyat vasitələri ilə hərəkət edərkən ehtiyatlı olmalarını tövsiyə edib.

Görüntüləri təqdim edirik:

Xəyal Abdullayev
Milli.Az

Milli.Az