Ölkə

ÜST-nin Baş direktoru Bakıya gəlir

12 Mart 2025 19:12
Baxış: 1 109
VTB-də minimal faiz dərəcəsi ilə nağd kredit 9.9%-dən
#BAKI

Ümumdünya Səhiyyə Təşkilatının (ÜST) Baş Direktoru Dr. Tedros Adhanom Qebreyesus 12-13 mart tarixlərində Nizami Gəncəvi Beynəlxalq Mərkəzi tərəfindən təşkil olunan XII Qlobal Bakı Forumunda iştirak etmək üçün Bakıya səfər edəcək.

Bu barədə ÜST-nin Azərbaycan nümayəndəliyindən xəbər verilib.

Bildirilib ki, Dr. Tedros açılış mərasimində qlobal səhiyyə problemləri və beynəlxalq əməkdaşlığın vacibliyi ilə bağlı çıxış edəcək.

Martın 13-də o, Çoxqütblü Dünyada Multilateralizmin Yenidən Düşünülməsi mövzusunda keçiriləcək yüksək səviyyəli panel müzakirəsinə qatılaraq qlobal səhiyyə idarəçiliyi ilə bağlı öz fikirlərini iştirakçılarla paylaşacaq.

Səfər çərçivəsində Dr. Tedrosun hökumət rəsmiləri ilə yüksək səviyyəli görüşlər keçirməsi də gözlənilir. Bu görüşlərdə ÜST-nin Azərbaycanda səhiyyə inkişafı və gücləndirməndirilməsi istiqamətində mümkün əməkdaşlıq yolları ilə bağlı fikir mübadiləsi aparılacaq.

Milli.Az

 
Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.