Ölkə

Bu çörək zavodunda nöqsanlar aşkarlandı

28 Fevral 2025 19:01
Baxış: 1 089
VTB-də minimal faiz dərəcəsi ilə nağd kredit 9.9%-dən
#QİDA #ÇÖRƏK #QİDA TƏHLÜKƏSİZLİYİ

"Naxçıvanda çörək istehsalı müəssisələrində sanitar-gigiyenik qaydaların pozulması aşkar edilib".

Milli.Az xəbər verir ki, bu barədə Naxçıvan Muxtar Respublikasının Qida Təhlükəsizliyi Agentliyinin sədri Səfəralı Nəsirov 2024-cü ilin yekunlarına dair mətbuat konfransında bildirib.

O qeyd edib ki, çörək istehsalı və satışı zamanı sanitar-gigiyenik qaydalara əməl olunması ilə bağlı aparılan maarifləndirmə işlərinin nəticəsi olaraq, səkkiz çörək emalı müəssisəsində çörəklərin qablaşdırılmasına başlanılıb.

Agentlik sədri vurğulayıb ki, digər müəssisələr isə qablaşdırma materiallarının hazırlanması üçün sifarişlər verib:

"Müvafiq monitorinqlər çərçivəsində bu müəssisələrdə yoxlamalar aparılıb və şübhəli hallarda nümunələr götürülərək laborator analizlər edilib. Araşdırmalar zamanı üç istehsalçıya məxsus çörək məhsullarında mikrobioloji göstəricilərdə, xüsusilə kif göbələyi ilə bağlı uyğunsuzluqlar müəyyən edilib. Bununla əlaqədar həmin müəssisələrdə plandankənar yoxlamalar həyata keçirilib, ciddi nöqsanlar aşkar olunub.

Nəticədə iki müəssisəyə məhdudlaşdırıcı tədbirlərin tətbiqinə dair qərar verilib, üç müəssisənin fəaliyyəti isə nöqsanlar aradan qaldırılanadək müvəqqəti dayandırılıb".

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.