Ölkə

Məzarlara rəsm çəkənlər bu məktəbin şagirdləri imiş

6 Yanvar 2025 14:45

Baxış: 1 490

VTB-də minimal faiz dərəcəsi ilə nağd kredit 9.9%-dən

#CƏMİYYƏT

Xəbər verdiyimiz kimi, sosial şəbəkələrdə Lənkəranda bir neçə yeniyetmənin qəbiristanlıqda qeyri-etik hərəkətlər etməsini əks etdirən görüntülər yayılması barədə məlumat yayımlanıb.

Milli.Az xəbər verir ki, Lənkəran-Astara Regional Təhsil İdarəsindən "AzEdu.Az"a bildirilib ki, sosial şəbəkələrdə bir qrup yeniyetmənin qəbirstanlıqda məzarlara qarşı uyğunsuz hərəkətlər etməsi ilə bağlı yayılan görüntülərə əsasən Lənkəran-Astara Regional Təhsil İdarəsi tərəfindən araşdırma aparılıb:

"Qeyd edək ki, həmin yeniyetmələr Lənkəran rayonu B.Əliyev adına Xolmili kənd tam orta məktəbinin şagirdləridir. Regional Təhsil İdarəsinin əməkdaşları tərəfindən məktəblilərin valideynləri ilə maarifləndirici söhbətlər aparılıb, övladlarının davranışlarının yolverilməzliyi diqqətə çatdırılıb.

Gələcəkdə bu tipli hadisələrin yaşanmaması üçün təhsil müəssisəsi ilə əməkdaşlığın gücləndirilməsi istiqamətində tövsiyələr verilib.

Bununla yanaşı, məktəb rəhbərliyi və psixoloq tərəfindən şagirdlərlə görüş keçirilib",- deyə qeyd edilib.

Milli.Az