Ölkə

AZAL yaralananlara və ölənlərin ailələrinə maddi konpensasiya ödəyəcək

26 Dekabr 2024 20:53

Baxış: 1 910

#AZAL-IN TƏYYARƏ QƏZASI

Təyyarə qəzasında xəsarət alanlara 20 min, vəfat edənlərin ailəsinə isə 40 min manat kompensasiya ödəniləcək.

Bu barədə Milli.Az-a AZAL-dan məlumat verilib.

Bildirilib ki, "Azərbaycan Hava Yolları" QSC-nin Müşahidə Şurasının qərarı ilə 25.12.2024-cü il tarixində Qazaxıstan Respublikası ərazisində qəzaya uğramış "Azərbaycan Hava Yolları" Sərnişin Aviaşirkətinin J2-8243 nömrəli Bakı-Qroznı reysini yerinə yetirən "Embraer 190" təyyarəsində olan və xəsarət alanların hər birinə 20.000 manat, vəfat edənlərin hər birinin ailəsinə isə 40.000 manat kompensasiya ödənilməsi müəyyən edilib.

Qeyd edilib ki, bununla yanaşı, bütün sərnişinlər Azərbaycan Respublikası qanunvericiliyinə və qabaqcıl beynəlxalq təcrübəyə uyğun olaraq tətbiq edilən müvafiq sığorta ödənişi alacaqlar.

Milli.Az