Dünya

Kadırov qardaşı oğlunu bütün hava hədəflərini vurduğuna görə mükafatlandırdı - VİDEO

27 Dekabr 2024 10:14

Baxış: 3 801

VTB-də minimal faiz dərəcəsi ilə nağd kredit 9.9%-dən

#VİDEO #QƏZA #ÇEÇENİSTAN #KADIROV

Çeçenistan rəhbəri Ramzan Kadırov "Çeçenistan Respublikası qarşısında xidmətlərinə görə" medalı ilə Təhlükəsizlik Şurasının katibi vəzifəsini icra edən qardaşı oğlu Həmzət Kadırovu təltif edib.

Milli.Az xəbər verir ki, Həmzət mükafatlandırma mərasiminin görüntülərini İnstaqramda paylaşıb.

Mərasim Çeçenistan hökumətinin ilin yekunlarına dair iclasında keçirilib. Kadırov həmçinin övladları Axmat, Xədizat, Xutmat, Təbarik və Ayşatı da mükafatlandırıb.

Qeyd edək ki, Həmzət Kadırov dekabrın 25-də Çeçenistan ərazisinə hücum edən bütün pilotsuz uçuş aparatlarının (PUA) məhv edildiyini açıqlayıb. O, paylaşımında PUA-ların hədəflərə zərər vermədiyini bildirib. Bu açıqlama Çeçenistan ərazisinə PUA hücumları ilə bağlı yayılan xəbərləri təsdiqləyən yeganə rəsmi açıqlama kimi dəyərləndirilib.

Elə həmin gün Bakıdan Qroznıya uçan Azərbaycan Hava Yollarına məxsus təyyarənin Qazaxıstanda qəzaya uğradığı məlum olub. Təyyarə Qroznıda eniş edə bilməyib və qəzaya uğradığı Aktauda təcili eniş tələb edib. Təyyarədə olan 67 nəfərdən 38-i həlak olub.

Nərmin
Milli.Az