Ölkə

Bu gün dövlət qulluğuna qəbul imtahanı keçirildi - YENİLƏNİB

6 Oktyabr 2024 15:44

Baxış: 766

#IMTAHAN

6 oktyabr 2024-cü il tarixində Dövlət İmtahan Mərkəzi tərəfindən dövlət qulluğunda inzibati icraçı vəzifələrə (B növü) aid olan vəzifə qrupları üzrə test imtahanı keçirilib.

Milli.Az DİM-ə istinadən xəbər verir ki, imtahan kağız daşıyıcılar vasitəsilə Bakı və Naxçıvan şəhərlərində 8 binada təşkil olunub. İmtahanda iştirak etmək üçün BA qrupu üzrə 472, BB qrupu üzrə 1770 olmaqla, ümumilikdə 2242 namizəd qeydiyyatdan keçib. İmtahanın keçirilməsi üçün 8 ümumi imtahan rəhbəri, 23 imtahan rəhbəri, 201 nəzarətçi və 29 buraxılış rejimi əməkdaşı ayrılıb.

Oktyabrın 7-dən etibarən DİM-də imtahan protokolları və cavab kartlarının emalı aparılacaq.

İmtahan nəticələri yaxın 2 gün ərzində elan olunacaq.

-------

08:05

Oktyabrın 6-da Dövlət İmtahan Mərkəzi (DİM), inzibati vəzifələrin B növü - yəni inzibati icraçı vəzifələr - üzrə BA və BB qrupları üçün dövlət qulluğuna qəbul imtahanı təşkil edir.

Milli.Az-ın DİM-in mətbuatına istinadən verdiyi məlumata görə, imtahan Bakı və Naxçıvan şəhərlərində 8 binada keçirilir və kağız formatında aparılır. İmtahanda iştirak etmək üçün BA qrupu üzrə 472, BB qrupu üzrə isə 1770 olmaqla, ümumilikdə 2242 namizəd qeydiyyatdan keçib.

İmtahan prosesini təşkil etmək üçün 8 ümumi imtahan rəhbəri, 23 imtahan rəhbəri, 201 nəzarətçi və 29 buraxılış rejimi əməkdaşı fəaliyyət göstərəcək.

İmtahan saat 11:00-da başlayır və 3 saat davam edir. Namizədlər, imtahan binasına 10:45-dən gec gəlməməli və mobil telefon, elektron cihazlar, kalkulyator, məlumat kitabçası və digər yardımçı vasitələr gətirməməlidirlər. Namizədlərin, şəxsiyyət vəsiqəsi və imtahana buraxılış vərəqəsi ilə gəlməsi tələb olunur.

Milli.Az
Xəbərlərimizi WhatsApp kanalımızdan da oxuyun