Ölkə

Şamaxıda ”Cinayətkarlığa qarşı mübarizə" mövzusunda tədbir keçirilib - FOTO

1 Avqust 2024 18:09

Baxış: 1 155

VTB-də minimal faiz dərəcəsi ilə nağd kredit 9.9%-dən

#CƏMİYYƏT

Şamaxı Yaradıcılıq Mərkəzində Qeyri-Hökumət Təşkilatlarına Dövlət Dəstəyi Agentliyinin maliyyə dəstəyi ilə "XXI Əsrin Qadınları" İctimai Birliyinin "Cinayətkarlığa qarşı mübarizə" adlı tədbiri keçirilib.

Milli.Az "İki sahil"-ə istinadla xəbər verir ki, tədbirdə DİN-in İnsan Alverinə qarşı Mübarizə Baş İdarəsinin Xüsusilə mühüm işlər üzrə baş əməliyyat müvəkkili polkovnik-leytenant İbrahim Əhmədov çıxış edərək, insan alverinə qarşı mübarizənin əsas istiqamətləri və normativ hüquqi bazası, insanların istismar edilməsinin forma və üsulları, insan alverinin profilaktikası, insan alverinə qarşı mübarizənin hüquqi və təşkilati əsasları, habelə insan alveri qurbanlarının hüquqi vəziyyəti, müdafiəsi və onlara yardım göstərilməsi haqqında, insan alverinin doğurduğu təhlükələr və bu cinayətlərdən qorunmaq barədə söhbət açıb, tədbir iştirakçılarının suallarını cavablandırıb.

Bildirib ki, insan alverinin mahiyyəti, formaları, doğurduğu təhlükələr və onunla mübarizə mövzusunda insanların maarifləndirilməsi gücləndirilməlidir.
Şamaxı RPŞ-nin ictimai təhlükəsizlik bölməsinin rəisi polis mayoru Məhəmməd Əliyev, Şamaxı Rayon İcra Hakimiyyətinin hüquq şöbəsindən Ağamil Əzizov görüşün məqsədi və qarşıda duran problemlərin həlli yollarından danışıblar. "Azərbaycan Respublikasında insan alverinə qarşı mübarizəyə dair 2020-2024-cü illər üçün Milli Fəaliyyət Planı"na uğun olaraq prioritet məsələlərdən bəhs ediblər. Görüşün mahiyyəti haqqında məlumat verən "XXl Əsrin Qadınları" İctimai Birliyinin sədri Mahirə Əmirhüseynova insan alveri ilə mübarizədən və ondan xilas yolları haqqında məlumat verib.

Tədbir diskusiya şəklində davam edib.

Milli.Az
Xəbərlərimizi WhatsApp kanalımızdan da oxuyun