Ölkə

Markos Neto: COP-da Azərbaycan sədrliyi yaxşı nəticələr əldə edə biləcək

29 İyul 2024 17:22

Baxış: 856

VTB-də minimal faiz dərəcəsi ilə nağd kredit 9.9%-dən

BMT-nin Baş katibinin köməkçisi, təşkilatın siyasət üzrə iş və proqram dəstəyi Bürosunun direktoru Markos Neto (Marcos Athias Neto) COP-da Azərbaycan sədrliyinin yaxşı nəticələr əldə edə biləcəyini söyləyib.

Milli.Az report-a istinadən xəbər verir ki, bu barədə BMT İnkişaf Proqramının (UNDP) "X" hesabında paylaşım edilib.

M.Neto qeyd edib ki, COP29 maliyyə COP-udur və ilk olaraq yeni ölçülə bilən iqlim maliyyəsi məqsədi ilə razılaşdırılmalıdır.

Onun sözlərinə görə, yaşıl enerjiyə keçid trilyonlarla dollara başa gələcək.

"Bu səbəbdən noyabrda Bakıda razılaşdırılmalı olan, maliyyə ambisiyalarını təyin edən sistemə ehtiyacımız var. BMT İnkişaf Proqramı olaraq Azərbaycan hökumətinə dəstək olmaq istərdik və bütün beynəlxalq ictimaiyyət hədəfə nail olmaq üçün COP sədrliyinə yardım etməlidir. Bu, çox mühüm məsələdir, əminəm ki, Azərbaycan sədrliyi yaxşı nəticələr əldə edə biləcək", - M.Neto əlavə edib.

Milli.Az
Xəbərlərimizi WhatsApp kanalımızdan da oxuyun