Ölkə

Həkimlər də işə imtahanla qəbul oluna bilər

5 İyul 2024 18:26

Baxış: 1 551

VTB-də minimal faiz dərəcəsi ilə nağd kredit 9.9%-dən

#IMTAHAN #SƏHİYYƏ #HƏKİM

Azərbaycanda həkimlər də işə qəbul zamanı imtahan oluna bilər.

Milli.Az xəbər verir ki, bu barədə Dövlət İmtahan Mərkəzinin mətbuat katibi Xanlar Xanlarzadə Bizim.media-ya danışıb.

O qeyd edib ki, artıq aidiyyəti qurumlar tərəfindən bu barədə layihə hazırlanıb: "Azərbaycan Nazirlər Kabinetinin müvafiq sərəncamına uyğun olaraq dövlət səhiyyə sisteminə daxil olan tibb müəssisələrinə tibb işçilərinin işə qəbulu qaydasının layihəsinin hazırlanması Səhiyyə Nazirliyinə və Tibbi Ərazi Bölmələrini İdarəetmə Birliyinə tapşırılıb. Aiddiyyəti orqanlar tərəfindən müvafiq layihə hazırlanıb və razılaşdırılması üçün Dövlət İmtahan Mərkəzinə göndərilib. Layihə ilə bağlı Mərkəzin rəy və təklifləri həmin orqanlara təqdim edilib".

Məlumat üçün bildirək ki, Nazirlər Kabinetinin 2010-cu il 8 iyun tarixli qərarı ilə tibb mütəxəssisləri beş ildə bir dəfə sertifikasiyaya cəlb edilirlər. Sertifikasiya prosesi tibb işçilərinin peşəkarlıq səviyyəsinin və peşə yararlılığının müntəzəm yoxlanılması məqsədilə aparılır.

Qanunvericiliyə görə, sertifikasiyadan keçməyən həkimlər praktik tibb və əczaçılıqla məşğul ola bilməzlər. Belə hal aşkar edilərsə, onlar barəsində İnzibati Xətalar Məcəlləsinə uyğun olaraq tənbeh tədbirləri həyata keçirilir. Sertifikasiya imtahanından keçid balını toplamamış şəxs 6 ay müddətində iş yeri saxlanılmaqla, peşə hazırlığı keçərək təkrar sertifikasiya olunmaq üçün Sertifikasiya şöbəsinə müraciət etməlidir.

Milli.Az
Xəbərlərimizi WhatsApp kanalımızdan da oxuyun