Ölkə

Bayrama görə bölgələrə gedənlərin NƏZƏRİNƏ

18 Mart 2024 15:15

Baxış: 763

VTB-də minimal faiz dərəcəsi ilə nağd kredit 9.9%-dən

#YOL #NƏQLİYYAT #SƏRNİŞİN #BAYRAM #NOVRUZ

Daxili İşlər Nazirliyi Nəqliyyatı İntellektual İdarəetmə Mərkəzi Novruz bayramı ilə əlaqədar bölgələrə səfər edənlərə müraciət edib.

Nazirliyin mətbuat xidmətindən Milli.Az-a verilən məlumata görə, müraciətdə deyilir:

"Hər il olduğu kimi bu il də Novruz bayramı və tətil günləri ilə əlaqədar bölgələrə səfər edənlərin sayının çox olacağı gözlənilir. Həm paytaxtın mərkəzi küçə və prospektlərində, həm də Bakı-Sumqayıt şosesi və şəhərə cənub istiqamətdən giriş-çıxışda rayonlara səfər edənlərin çox olması ilə əlaqədar xüsusilə də axşam saatlarında yollarda avtomobil sıxlığının yaranacağı ehtimal olunur. Bunu nəzərə alaraq vətəndaşlara tövsiyə edirik ki, səfərlərini erkən saatlarda həyata keçirməyə çalışsınlar".

Müraciətdə qeyd edilir ki, həmin günlərdə gücləndirilmiş iş rejimində çalışan Nəqliyyatı İntellektual İdarəetmə Mərkəzinin əməkdaşları sürücülərə yollardakı vəziyyətlə bağlı mütəmadi olaraq məlumat verəcəklər.

Milli.Az
Xəbərlərimizi WhatsApp kanalımızdan da oxuyun