Ölkə

Bəzi məhsulların Azərbaycana idxalı qadağan ediləcək - VİDEO

27 Noyabr 2023 15:00

Baxış: 1 417

VTB-də minimal faiz dərəcəsi ilə nağd kredit 9.9%-dən

#VİDEO #QİDA #İSTEHSAL #QİDA TƏHLÜKƏSİZLİYİ

İstehsalçısı təsdiqlənməyən xarici qida məhsullarının Azərbaycana idxalı qadağan ediləcək.

Milli.Az Xəzər TV-yə istinadən bildirir ki, Qida Təhlükəsizliyi Agentliyi bununla bağlı sahibkarlara xəbərdarlıq edib. Qurumdan bildirilib ki, bəzi qida və yem məhsulları xüsusi risk qrupuna daxildir. Bu səbəbdən də onların ölkəyə idxalı zamanı təsdiq mütləqdir. Lakin məhsulları gətirən şirkətlərlə keçirilən görüşlər və dəfələrlə edilən xəbərdarlıqlara baxmayaraq, Agentliyə bəzi ölkələrin istehsalçılarından təsdiqlə bağlı hələ də müraciətlər daxil olmayıb.

Qurumun mətbuat katibi İlkin Kərimov bildirib ki, qadağa gələn il yanvarın 1-dən qüvvəyə minəcək. O, sözügedən kateqoriyaya aid edilən məhsulları da açıqlayıb.

Sahibkarlar qanunvericiliyin tələbləri ilə Qida Təhlükəsizliyi Agentliyinin veb-saytı və sosial media səhifələrində tanış ola bilərlər. Sual yarandığı təqdirdə də "1003-Çağrı Mərkəzi" ilə əlaqə saxlamaq mümkündür.

Mövzu ilə bağlı daha ətraflı videomaterialı təqdim edirik:

Milli.Az

Xəbərlərimizi WhatsApp kanalımızdan da oxuyun