Ölkə

Bu sürüşmə sahələri aktivləşdi - RƏSMİ AÇIQLAMA

13 Sentyabr 2023 13:28
Baxış: 1 024
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Mövsümi xarakterli sürüşmələrin aktivləşməsi ehtimal olunandır.

Bunu Trend-ə açıqlamasında Geoloji Kəşfiyyat Agentliyinin İdarə Heyətinin sədri Əli Əliyev deyib.

Onun sözlərinə görə, ərazilərdə davamlı monitorinqlər həyata keçirilir:

"Oğuz rayonunun Filfili kəndində sürüşmə hadisəsi baş verib. Sürüşmənin uzunluğu 60, eni isə 30 metrdir və yaşayış evinə yaxın məsafədədir. Mütəxəssislərimiz ərazidədirlər. Əraziyə baxış keçiriləndən sonra dəqiq məlumat vermək olar".

Ə.Əliyev qeyd edib ki, ümumiyyətlə, ölkəmizdə yağan son yağışlar sürüşmə sahələrində nisbətən aktivləşmə hallarına səbəb olub.

"Amma ciddi bir dinamik dəyişiklik yoxdur. Yalnız Abşeron yarımadasında mövcud olan altı sürüşmə sahəsindən ikisində - Nübar massivi və Masazırda zəif aktivləşmə var. Bayıl yamacında və Badamdar yaylasında ciddi dəyişiklik yoxdur. Fövqəladə Hallar Nazirliyi həmin ərazidə bərkidici tədbirlər görür.

Bundan başqa, Qaraçuxur sürüşmə sahəsində vəziyyət stabildir. Orada istinad divarı qurulub və sürüşmə prosesi tam dayanıb. Bir müddət əvvəl Muğanlı-İsmayıllı yolunda baş verən sürüşmə baş verib. O prosesin qarşısı artıq alınıb", - deyə o qeyd edib.

Milli.Az

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.