Ölkə

Yapon alimlər Azərbaycanda tarixi tapıntılar aşkarlayıblar - VİDEO

28 Avqust 2023 14:54
Baxış: 1 491
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Qazax rayonun Damcılı mağarasında yapon alimlər qədim daş dövrünə aid əmək alətləri aşkarlayıblar.

Milli.Az oxu.az-a istinadən xəbər verir ki, "Avey" Dövlət Tarix-Mədəniyyət Qoruğunun ərazisindəki dünya əhəmiyyətli Damcılı mağara düşərgəsinin ərazisində arxeoloji qazıntılar yekunlaşıb. 2015-ci ildən indiyədək  Azərbaycan-Yaponiya Beynəlxalq arxeoloji ekspedisiyasının üzvləri tərəfindən  aparılan qazıntılar zamanı ərazidən orta paleolit, mezolit, neolit, eneolit, tunc və son orta əsrlər dövrünə aid mədəni təbəqələr aşkarlanıb. Sonuncu qazıntılar zamanı da tapılan əşyalar mezolit və neolit dövrü arasındakı keçid dövrünə aid olan eksponatlardır.

Bununla da neolit dövründəki kənd təsərrüfatları vərdişlərinin tədqiqlərinə əsaslar yaranıb. Tədqiqatlar zamanı bəlli olub ki, eramızdan əvvəl 6 min əvvəl burada neolit mədəniyyəti keçid dövrünü yaşayıb.

Bu səbəbdən də Damcılı mağara düşərgəsinin ərazisində qazıntılar gələcəkdə də davam etdiriləcək. Artıq üç tərəfli memoranduma əsasən, yenidən ərazidə arxeoloji qazıntılar davam etdiriləcək.

Tapılan maddi mədəniyyət nümunələrinin daha dəqiq tədqiqi üçün AMEA-nın Arxeologiya və Etnoqrafiya İnstitutuna göndərilib. Həmçinin eksponatların bir qismi qoruğun ərazisində sərgidə nümayiş olunur.

Qeyd edək ki, Azərbaycan ərazisində Qobustandan sonra ilk dəfə Damcılı düşərgəsində toxunulmamış mezolit təbəqəsi qeydə alınıb.

Milli.Az

Mövzu ilə bağlı daha ətraflı videomaterialı təqdim edirik:

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.