Ölkə

Gəlin keçmiş qayınanasının barmaqlarını sındırıb

25 May 2022 13:17
2 Şərh     Baxış: 3 868

Gəncədə 38 yaşlı qadın keçmiş qayınanasına xəsarət yetirib. 

Milli.Az "Qafqazinfo"ya istinadən bildirir ki, hadisə şəhərin Atatürk prospektində yerləşən Gəncə Apellyasiya Məhkəməsində baş verib.

Məlum olub ki, Gəncənin Kəpəz rayon sakinləri olan Sevil Qənbərova (ad və soyad şərtidir) 2001-ci ildə həmyerlisi İkramla ailə həyatı qurub və onların 4 övladı olub. Lakin cütlük 2018-cu ildə boşanıb. Həmin vaxt məhkəmə uşaqların 4-nün də atasında qalmasına qərar verib. Daha sonra Sevil Apellyasiya Məhkəməsinə üz tutub. Lakin Gəncə Apellyasiya Məhkəməsi də uşaqların da rəyini nəzərə alaraq onların ataları ilə qalmasına qərar verib.

Bundan sonra Sevil Ali Məhkəməyə kassasiya şikayəti verib. Ali Məhkəmə şikayəti təmin edib və işi yenidən Gəncə Apellyasiya Məhkəməsinə qaytarıb. Bu dəfə apellyasiya instansiyası uşaqlardan ikisinin anasına verilməsinə qərar verib. Həmin vaxt məhkəmənin gözləmə zalında Sevil və bacısı ilə onun keçmiş qayınanası arasında münaqişə baş verib. Sevilin övladlarının atasında qalmaq istəməsi, nənələrinin tərəfini tutmaları onu daha da özündən çıxarıb. O, keçmiş qayınanasına hücum edərək ona təpiklə zərbə endirib, həmçinin barmaqlarını onun barmaqlarına keçirərək 3 barmağını sındırıb və əlindəki "Redmi 7" markalı telefonla yaşlı qadının başına və qarnına zərbələr endirərək ona xəsarətlər yetirib.

Gəlinin qayınanasına xəsarətlər yetirməsinə görə Gəncənin Nizami rayon Polis Şöbəsində Cinayət Məcəlləsinin 127-ci (qəsdən sağlamlığa az ağır zərər vurma) maddəsi ilə iş açılıb və cinayət işinin materialları rayon Məhkəməsinə göndərilib. Münaqişəli şəxslər bu dəfə döyülmə faktına görə məhkəmədə üz-üzə gəliblər.

Məhkəmədə döyülən qadın keçmiş gəlininin həbs edilməsini tələb edib. Şahid kimi çıxış edən təqsirləndirilən şəxsin övladları da analarının əleyhinə ifadə verib.

Nizami rayon Məhkəməsinin bir neçə gün əvvəl çıxardığı hökmlə 38 yaşlı Sevil Qənbərovaya həbs olunmasa da, 2 il müddətinə azadlığın məhdudlaşdırılması cəzası verilib və ona elektron nəzarət cihazı olan qolbaq taxılıb.

Milli.Az 

İllik 14.5%-dən 30 000 manat zaminsiz komissiyasız kredit

Şərh yaz:

2 Şərh:

  • Anonim
    ALEKS❤️ · 25 May 14:5220

    Səni yanasan ay gəlin eyyy...bu gəlin deyilmiş,əsil yırtıcıymış.qaynənəsini nəfəri nokauta salıb.keçmiş əri də yəqinki çoxdan əlillik dərəcəsi almış olar..

    Cavab yaz
    • Anonim
      @ · 25 May 15:1820

      Bu yırtıcını gəlin gətirib, arvad edəndədir günah. Hələ bu yırtıcıdan 3 uşaq da düzəldib. Haram olsun buna tərbiyə verən valideynə.

      Cavab yaz

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.

Global site tag (gtag.js) - Google Analytics