Ölkə

“Həyat eşqi sönmüşdü” - Qəfil ölən həkimin iş yoldaşı

21 May 2022 11:00
4 Şərh     Baxış: 2 672

Mayın 18-də vəfat edən Azərbaycan Tibb Universitetinin Onkologiya kafedrasının 41 yaşlı baş laborantı, mammoloq-cərrah Zeynalova Sahibə Məhəmməd qızının ölümü ilə bağlı müxtəlif mülahizələr irəli sürülüb.

Milli.Az "Qafqazinfo"ya istinadən bildirir ki, S. Zeynalovanın iş yoldaşları və onu tanıyan bir çox insan cərrahın depressiv vəziyyətdə olduğunu bildiriblər. Mərhum həkimin keçmiş iş yoldaşı Aynur Qasımova sosial şəbəkədə hadisə barədə status yazaraq bildirib ki, Sahibə Zeynalova anasını itirəndən sonra həyatdan küsüb:

"Sahibə doktor ağıllı, əxlaqlı, sakit təbiətli insan idi. Xüsusilə qeyd etmək istərdim ki, onun həyat eşqi sönmüşdü. Sən o qədər ananı sevdin ki, onu itirməyə dözmədin. Qovuşdu Sahibə doktor anasına. Gözəl bacım, məkanın cənnət olsun".

Qeyd edək ki, Lent.az saytı S.Zeynalovanın damarına iynə ilə dərman yeridərək intihar etməsi barədə məlumat yayıb. Mərhumun yaxınları isə bunu təkzib edərək, 41 yaşlı həkimin infarktdan öldüyünü bildiriblər.

Hazırda ölüm fakt ilə bağlı Nizami Rayon Prokurorluğunda araşdırma aparılır. S.Zeynalovanın ölümünün səbəbi ekspertiza rəyindən sonra dəqiqləşəcək.

Milli.Az 

Məqaləyə dair fotomateriallar:

İllik 14.5%-dən 30 000 manat zaminsiz komissiyasız kredit

Şərh yaz:

4 Şərh:

  • Anonim
    Seva · 21 May 11:5130

    Gerek tek qoymayadılar Ana itkisi çox agırdır insan her seher yuxudan oyanıb evde onun sesini eşitmeyende yoxlugunu anlayanda bir anlıq o duyguya qapıla biler özünü öldürme heddine çata biler yeni bunu yaşayan biri kimi bilirem ama etrafında yaxınları onu bu durumdan çıxarmalı idi

    Cavab yaz
  • Anonim
    Sewa · 21 May 13:5700

    Allah rehmet etsin. Cox güman ki infarkdan ölüb. Ürek bir yerden sonra dogrudan ceke bilmir. Yaxınlarına sebr dileyirem.

    Cavab yaz
  • Anonim
    " · 21 May 16:1110

    Bircə intihar olmasın..ölüm qaçılmazdı,nə vaxtsa hər kəsin qapısını döyəcək.Qoy özü gəlsin

    Cavab yaz
  • Anonim
    Terter · 21 May 17:5500

    Onu biliremki,hekimlerin taleyi yoxdu

    Cavab yaz

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.

Global site tag (gtag.js) - Google Analytics