Avto

BMW 670-güclü hibridi göstərdi - FOTO

7 Dekabr 2014 15:06

0 Şərh Baxış: 1 719

#AVTO #BAYERİSCHE MOTORENWERKE AG BMW #HİBRİD A.D.

"BMW" şirkəti yeni "Edrive" hibrid sistemi olan "5-Series GT"-nin prototipini nümayiş edib. Aqreqatların ümumi gücü 670 a.g. və 1015 Nm fırlanma anıdır. Avtomobil 4-silindrli 2,0-litrlik benzin mühərriklə təchiz edilir. Mühərrikin gücü 228 a.g.-dür. Bundan əlavə, "Edrive" sisteminə birdəfəlik 2 elektrik mühərriki daxildir. Elektrik mühərriklərinin gücü 201 və 268 a.g.-dür.

Milli.Az auto.az-a istinadən bildirir ki, elektrik mühərrikləri 20 kVt-lıq ion akkumulyatordan enerji alır. Buna baxmayaraq, yanacaq çəninin həcmi 70 litrdən 30 litrə qədər azalıb. Şirkətdən bildirirlər ki, "BMW 5-Series GT" dolu enerji ilə 600 km məsafə qət edə bilər.

"BMW" avtomobilləri 2017-ci ildən yeni hibrid sistemi ilə təchiz ediləcəklər. Qeyri-rəsmi məlumatlara görə, "Edrive" sistemi olan ilk seriyalı avtomobil tamötürücülü yolsuzluq avtomobili X7 olacaq.

Avtomobil "7-series" sedanla eyni platformanı bölüşəcək. Yeni yolsuzluq avtomobili Cənubi Karolinadakı zavodda istehsal ediləcək. Bazarda modelin əsas rəqibi isə "Mercedes-Benz GL" və "Audi Q7" olacaq.

Milli.Az

Böyütmək üçün şəkillərə klikləyin.