Avto

BMW 318 mindən çox avtomobili geri çağırır

24 İyul 2026 09:55

Baxış: 1 097

VTB-də minimal faiz dərəcəsi ilə nağd kredit 9.9%-dən

#AVTO #AVTOMOBİL #ABŞ #BMW

BMW şirkəti ABŞ bazarında təhlükəsizlik səbəbindən genişmiqyaslı geriçağırma kampaniyasına başlayıb.

Milli.Az xarici mətbuata istinadən xəbər verir ki, məlumata görə, qərar mühərrik starterinin həddindən artıq qızması nəticəsində yanğın riskinin yaranması ehtimalı ilə əlaqədardır. Bu səbəbdən ümumilikdə 318 495 avtomobil geriçağırma proqramına daxil edilib.

Kampaniya BMW-nin 3 və 4 seriyaları, "X3", "X4" modelləri, eləcə də BMW ilə eyni platformada istehsal olunan "Toyota Supra" avtomobillərini əhatə edir.

Şirkət bildirib ki, qüsur aşkar olunan avtomobillərin starterləri rəsmi diler mərkəzlərində heç bir ödəniş tələb olunmadan yenisi ilə əvəz ediləcək. Bununla da mümkün təhlükənin qarşısının alınması nəzərdə tutulur.

Müəllif: Tural Hüseyn (Milli.Az redaktor)