Avto

Tamamilə yeni “Niva” - FOTOlar

29 Dekabr 2025 11:05

Baxış: 13 181

VTB-də minimal faiz dərəcəsi ilə nağd kredit 9.9%-dən

#MARAQLI #RUSSİA #AVTO #NİVA A.D. #SÜRÜCÜ #AVTOMOBİL #SƏNAYE

"AvtoVAZ" şirkəti 2026-cı il üçün model xəttini genişləndirməyi planlaşdırır. Rusiyalı avtomobil istehsalçısı iki yeni SUV modelini bazara çıxarmağa hazırlaşır.

Milli.Az xəbər verir ki, söhbət yenilənmiş və daha güclü mühərriklə təchiz olunacaq LADA Niva Legend-dən, eləcə də tamamilə yeni LADA Azimut krossoverindən gedir.

Rusiya KİV-lərinin məlumatına görə, "AvtoVAZ"ın mətbuat xidməti bildirib ki, yeni LADA Azimut markanın texnoloji baxımdan tam müstəqil platforması üzərində hazırlanacaq. Şirkətin flaqman krossoveri hesab edilən bu modelin istehsalına 2026-cı ilin yay aylarında start verilməsi nəzərdə tutulur.

Bununla yanaşı, avtomobil həvəskarlarını yenilənmiş "Niva Legend"in də premyerası gözləyir. Əfsanəvi SUV-un əsas yeniliklərindən biri yüksək fırlanma momentinə malik 1,8 litrlik benzin mühərriki olacaq. Modelin satışa çıxarılma tarixi isə daha sonra açıqlanacaq.

Qeyd olunur ki, AvtoVAZ-ın həmkarlar ittifaqı konfransında səsləndirilən məlumata əsasən, yeni mühərriklə təchiz edilmiş "LADA Niva Legend"in istehsalına 2026-cı ilin may-iyun aylarında başlanması planlaşdırılır. Avtomobilin kapotu altında, ehtimal ki, yenilənmiş "LADA Niva Travel" modelində istifadə olunan 8 klapanlı, 90 at gücünə malik VAZ-11184 mühərriki yer alacaq.

Bundan əlavə, "AvtoVAZ"ın prezidenti Maksim Sokolov bu ilin payızında yeni "LADA Vesta Sport" modelinin də təqdim ediləcəyini açıqlayıb. Onun sözlərinə görə, şirkət mövcud LADA modellərinin modernləşdirilməsini davam etdirəcək, avtomobillərə yeni texniki seçimlər və daha güclü güc aqreqatları əlavə olunacaq.

Hüseyn
Milli.Az